Á föstudaginn lauk atkvæðagreiðslu um kjarasamning Skaftholts og Bárunnar, stéttarfélags. Á kjörskrá voru þrettán félagsmenn Bárunnar og þar af kusu níu eða samtals 69,2%. Niðurstöðurnar eru eftirfarandi:
Já = 9 eða samtals 100%
Nei = 0 eða samtals 0%
Tek ekki afstöðu = 0 eða samtals 0%
Kosning um kjarasamning milli Bárunnar, stéttarfélags og Skaftholts hefst í dag kl. 14:00 í dag mánudaginn 23. ágúst. Kosningunni lýkur nk. föstudag, þann 27. ágúst kl. 12:00. Tengill inn á kosninguna er hér fyrir neðan og einnig hægra megin á heimasíðunni. Þar er hægt að nálgast kynningarefni um kjarasamninginn.
Hægt er að nota rafræn skilríki og einnig íslykil. Við hvetjum félagsmenn sem starfa undir viðkomandi kjarasamningi að taka þátt.
Á föstudaginn lauk atkvæðagreiðslu um kjarasamning Sólheima ses og Bárunnar, stéttarfélags. Á kjörskrá voru 60 félagar og kjörsókn var 38,3%. Atkvæði féllu þannig:
Já sögðu 73,91%, nei sögðu 13,4% og 13,04% tóku ekki afstöðu. Kjarasamningurinn telst því samþykktur.
Nú er komið að því að kjósa um kjarasamning milli Bárunnar, stéttarfélags og Sólheima ses. Kosningin hefst kl. 14:00 í dag miðvikudaginn 11. ágúst og lýkur nk. föstudag , 13. ágúst kl. 12:00. Tengill inn á kosninguna er hér fyrir neðan og einnig hægra megin á heimasíðunni. Þar er hægt að nálgast kynningarefni um kjarasamninginn.
Hægt er að nota rafræn skilríki og einnig íslykil. Við hvetjum félagsmenn sem starfa undir viðkomandi kjarasamningi að taka þátt.
Opnað hefur verið fyrir leigu á orlofshúsakostum Bárunar þar til 30. nóvember næstkomandi.
Hægt er að skoða laus tímabil hér
Föstudagspistill forseta ASÍ.
Leiðin að hjarta Íslendingar liggur í gegnum fríhöfnina og ódýra flugmiða til útlanda. Það er stór hluti af lífsgæðum okkar að geta ferðast til útlanda, ná í sól og aðra menningu og víkka sjóndeildarhringinn. Slíkt er ekki síst mikilvægt fólki sem býr á eyju í miðju Atlantshafinu. Það er því ekkert skrýtið að margir fagni samkeppni í flugrekstri.
Play flýgur á undirboðum launa.
Reykjavík 19. maí 2021
Flugfélagið Play ætlar að bjóða lægri flugfargjöld með því að greiða starfsfólki sínu lægri laun en þekkist á íslenskum vinnumarkaði. Grunnlaunin eru töluvert undir grunn atvinnuleysisbótum. Sá samningur sem Play hefur skilað til ríkissáttasemjara er óundirritaður og ekki ljóst hvernig hann er til kominn. Þó er ljóst að hann var gerður áður en hafist var handa við að ráða inn flugfreyjur og -þjóna og enn fremur er ljóst að Play fjármagnar stéttarfélagið (ÍFF) sem gerir þennan samning. Það er því með engu móti hægt að segja að Play fari eftir hefðum og reglum á íslenskum vinnumarkaði og með því að neita að gera kjarasamning við Flugfreyjufélag Íslands segir félagið sig úr samfélagi hins skipulagða vinnumarkaðar. Við það verður ekki unað og er félagið að boða til ófriðar og deilna um ófyrirsjáanlega framtíð ef ekki verður gengið til raunverulegra kjarasamningsviðræðna við félag sem sannanlega er skipulagt af þeim sem eiga að vinna samkvæmt kjarasamningnum.
Í samningi Play við ÍFF, sem óljóst er af hverjum er undirritaður, eru lægstu laun 266.500 krónur. Til samanburðar eru lægstu laun flugfreyja og -þjóna hjá Icelandair 307.000, atvinnuleysisbætur eru 307.430 krónur og lægsti taxti verkafólks er 331.735 krónur. Flugtímar innifaldir í grunnlaunum eru fleiri hjá Play en hjá Icelandair, greiddir yfirvinnutímar færri, greiðslur í lífeyrissjóð eru lægri, dagpeningar lægri og sömuleiðis bifreiðastyrkur og desemberuppbót svo eitthvað sé nefnt. Í samningnum er ekki kveðið á um framlög til starfsendurhæfingar, í orlofssjóð, starfsmenntasjóð eða sjúkrasjóð og ekki gert ráð fyrir launagreiðslum vegna veikinda barna.
Allar stoðir í kjaraumhverfi launafólks á Íslandi eru virtar að vettugi.
Alþýðusamband Íslands krefst þess að Play gangi til kjaraviðræðna við raunverulegt stéttarfélag flugfreyja og -þjóna á Íslandi – Flugfreyjufélag Íslands – og ætlast jafnframt til þess að Samtök atvinnulífsins, sem Play er hluti af, beiti sér fyrir raunverulegum kjarasamningi.
Alþýðusamband Íslands hvetur landsmenn til að sniðganga félagið þangað til það hefur sýnt að það ætli að vera hluti af íslenskum vinnumarkaði og bjóða starfsfólki sínu kaup og kjör sem gilda hér á landi.
Alþýðusamband Íslands hvetur lífeyrissjóði og aðra fjárfesta að sniðganga félagið sömuleiðis en félagið hefur reynt að gera sig gildandi gagnvart fjárfestum með því að stæra sig af óboðlegum launakjörum.
Alþýðusambandið telur vafa vera um lögmæti þess samnings sem Play vísar til sem kjarasamnings og mun beita þeim úrræðum sem tæk eru samkvæmt lögum nr. 80/1938 til þess að verja grunnréttindi launafólks á Íslandi og knýja á um kjarasamning.
Aðalfundur Bárunnar, stéttarfélags verður haldinn þriðjudagskvöldið 18. maí nk. á
Hótel Selfossi. Fundurinn hefst kl. 19.00.
Dagskrá
1. Venjuleg aðalfundarstörf
2. Breytingar á reglugerð sjúkrasjóðs
3. Önnur mál.
Boðið verður upp á kvöldverð. Gætt verður að öllum reglum um sóttvarnir.
Sjáumst kæru félagar.
Stjórn Bárunnar, stéttarfélags
Báran vill minna félagsmenn á rétt sinn á að fá greidda orlofsuppbót/persónuuppbót, en það er föst fjárhæð sem atvinnurekendum er skylt að greiða starfsfólki sínu í maí/júní ár hvert. Uppbótin miðast við starfshlutfall og starfstíma á orlofsárinu (1. maí – 30. apríl) inniheldur orlof og tekur ekki breytingum skv. öðrum ákvæðum kjarasamninga. Áunna orlofsuppbót skal gera upp samhliða starfslokum verði þau fyrir gjalddaga uppbótarinnar. Fullt ársstarf telst í þessu sambandi 45 unnar vikur eða meira fyrir utan orlof.
Almennur vinnumarkaður
Orlofsuppbót er 52.000 kr. miðað við fullt starf og greiðist 1. júní.
Ríki
Orlofsuppbót er 52.000 kr. miðað við fullt starf og greiðist 1.júní.
Sveitarfélög
Persónuuppbót er 51.700 kr. miðað við fullt starf og greiðist 1. maí.
Sjá nánar í kjarasamningum viðkomandi aðila.