Fréttir

Félagsfundur Bárunnar stéttarfélags

Við viljum minna á félagsfund Bárunnar sem haldinn verður í kvöld kl. 20.00 í sal Þjónustuskrifstofu stéttarfélaganna á Austurvegi 56, Selfossi.

Meðal efnis á fundinum er kynning á starfi félagsins og kosning fulltrúa á þing Starfsgreinasambands Íslands.

Félagar, mætum öll og tökum ábyrgð á eigin málum.

Námskeiðið Á tímamótum

Báran stéttarfélag í samvinnu við Fræðslunet Suðurlands bjóða þeim félagsmönnum sem huga að starfslokum vegna aldurs að sækja námskeiðið Á tímamótum.

Á námskeiðinu verður  m.a. fjallað um: Félagslega þætti og breytingar sem verða á lífi fólks við starfslok, þjónustu sveitarfélaga við eldri borgara og hvernig hægt er að nálgast hana, þjónustu Tryggingastofnunar og málaflokka sem heyra undir hana og Sjúkratryggingar Íslands. Reglur um greiðslur ellilífeyris verða kynntar. Þá verður fjallað um hvernig hægt er að undirbúa sig heilsufarslega undir efri árin. Þar sem gert er ráð fyrir mikilli þátttöku verða fjögur námskeið haldin.

Námskeiðið er að kostnaðarlausu fyrir félagsmenn Bárunnar, stéttarfélags.

Á tímamótum 15 stundir

Tímasetning: 4. – 20. október 2011

Staður: Iða á Selfossi

Þriðjudaga og fimmtudaga kl. 17.00 til 18.50

 

Á tímamótum 15 stundir

Tímasetning: 27. október – 15. nóvember 2011

Staður: Iða á Selfossi

Þriðjudaga og fimmtudaga kl. 17.00 til 18.50

 

Á tímamótum 15 stundir

Tímasetning: 10. – 26. október

Staður: Grunnskólinn í Hveragerði

Mánudaga og miðvikudaga kl. 17.00 – 18.50

 

Á tímamótum 15 stundir

Tímasetning: 17. október – 3. nóvember 2011

Staður: Hella/Hvolsvöllur

Mánudaga og fimmtudaga kl. 17.00 – 18.50

 

Innritun er í síma 480-8155. Nánari upplýsingar hjá Fræðsluneti Suðurlands eða Þjónustuskrifstofu stéttarfélaganna á Suðurlandi.

Opinn fundur um atvinnumál með þingmönnum Suðurkjördæmis

Báran, stéttarfélag, Verslunarmannafélag Suðurlands, Félag iðn- og tæknigreina, Félag opinberra starfsmanna á Suðurlandi og Verkalýðsfélag Suðurlands boða til fundar þar sem rædd verður staða og framtíð atvinnumála á Suðurlandi.

Fundurinn verður haldinn í Félagsheimlinu Stað á Eyrarbakka miðvikudaginn 28. september kl. 20.00. Fundarstjóri verður Halldór Grönvold aðstoðarframkvæmdastjóri Alþýðusambands Íslands.

Meðal þess sem spurt verður:
Hver er stefna þingmanna kjördæmisins í atvinnuuppbyggingu á svæðinu?
Stendur til að leggja niður fangelsið á Litla Hrauni?
Á að loka sjúkrahúsunum á Suðurlandi?
Hver eru sjónarmið þingmanna á nýtingu virkjanakosta á Suðurlandi?

Sýnum samstöðu og leggjumst öll á árarnar til þess að rödd sunnlendinga heyrist þegar kemur að ákvörðunartöku sem skiptir íbúa svæðisins miklu máli til framtíðar.

Nýr kjarasamningur fyrir landbúnaðarverkafólk

Bændasamtök Íslands hafa samið við Starfsgreinasamband Íslands og um nýjan kjarasamning fyrir starfsfólk sem vinnur almenn landbúnaðarstörf á bændabýlum. Samningurinn er afturvirkur og gildir frá og með 1. júní 2011 til 31. janúar 2014. Fyrirvari er á kjarasamningnum þar til stjórn BÍ hefur samþykkt hann en hún fundar í þessari viku. 

Búfræðingar fá námið metið til launahækkunar
Við samþykkt kjarasamningsins er kveðið á um eingreiðslu að upphæð kr. 50 þúsund fyrir hvern starfsmann í fullu starfi sem er við störf í maí 2011 og miðast greiðslan við fullt starf í mánuðinum mars-maí 2011. Sú nýlunda er í samningnum að þeir starfsmenn sem lokið hafa búfræðinámi, fiskeldisnámi eða tveggja ára háskólanámi við tamningar raðast í hærri launaflokk en almennir landbúnaðarverkamenn. Fiskeldisfræðingar og tamningamenn fengu sambærilega samninga í kjarasamningum við SA sl. vor.

Byrjunarlaun landbúnaðarverkafólks verða 184.711 krónur
Byrjunarlaun búfræðinga eru 197.812 krónur en með 7 ára starfsreynslu er taxtinn 205.936 krónur. Almenn byrjunarlaun landbúnaðarverkamanna eru 184.711 krónur og 192.030 krónur eftir 7 ára starf. Hámarksgreiðsla fyrir fæði og húsnæði er 2.040 krónur á dag í nýja samningnum fyrir 18 ára og eldri. Grunnlaun 17 ára unglinga verða 175.475 krónur á mánuði og 14 ára 120.062 krónur.

Nefnd ætlað að meta fræðslumál starfsmanna í landbúnaði
Sérstök bókun í samningnum var gerð um það að setja á laggirnar fjögurra manna nefnd sem mun fjalla um fræðslumál starfsmanna í landbúnaði. Nefndinni er ætlað að skoða framboð á námskeiðum fyrir landbúnaðarverkamenn og koma með tillögur um úrbætur telji nefndin ástæðu til þess. Þá er nefndinni ætlað að ræða hvort meta eigi samþykkt námskeið til launahækkana.

Samningurinn BÍ og SGS er aðgengilegur á pdf-skjaliá vef Bændasamtakanna en þar má m.a. sjá launatöflur og ítarlegri ákvæði.

Samningur BÍ og Framsýnar, Verkalýðsfélags Akraness og Verkalýðsfélags Þórhafnar er samhljóða samningi við SGS. Hann er aðgengilegur hér.

Tekið af heimasíðu Bændasamtaka Íslands.

Kjarasamningur við Sólheima

Talin hafa verið atkvæði um kjarasamning milli Bárunnar, stéttarfélags og Sólheima ses.

Niðurstaðan er sem hér segir:

Á kjörskrá voru 34

Greidd atkvæði voru 13 og kjörsókn því 38%

Já sögðu 12 eða 92%

Nei sagði 1 eða  8%

Auðir eða ógildir 0

Samningurinn er því samþykktur og gildir til 30. júní 2014

Samningur við Kumbaravog

Talin hafa verið atkvæði vegna kjarasamnings Bárunnar, stéttarfélags við Kumbaravog ehf. Á kjörskrá voru 44 og kjörsókn var 50%.
Samningurinn var samþykktur með öllum greiddum atkvæðum. Nýr samningur gildir til 30. júní 2014.

Barnagleraugu í óskilum

Bleik/fjólublá Barnagleraugu fundust í afgreiðslurými Þjónustuskrifstofu stéttarfélaganna á Suðurlandi. Þeir sem sakna gleraugnanna geta haft samband í síma 480-5000

Norrænt þing starfsfólks í matvælaframleiðslu á Selfossi

Þing Nordiska Unionen, samtaka launafólks í matvælaframleiðslu á Norðurlöndum, verður haldin á Selfossi daganna 21-23 ágúst.

Samtökin er norrænn samstarfsvettvangur um 150.000 félagsmanna innan margvíslegra starfsgreina tengdum matvælaframleiðslu, s.s. fiskvinnslu, landbúnaði og matvælavinnslu. Á þingið mæta um 50 fulltrúar frá öllum Norðurlöndunum til að ræða málefni starfsfólks í matvælaiðnaði. Aðal áherslan verður á samþættingu kjarasamninga á milli Norðurlanda og innan Evrópu til að spyrna við félagslegum undirboðum sem hafa leitt til kjaraskerðingar á meðal félagsmanna.

Starfsgreinasamband Íslands og Matvís eiga samanlagt fimm fulltrúa á þinginu. Fulltrúar SGS á þinginu verða Halldóra S. Sveinssdóttir formaður Bárunnar Stéttarfélags og sviðstjóri matvælasviðs SGS, Anna Júlíusdóttir  frá Einingu Iðju, varasviðstjóri matvælasviðs, og Hjördís Þóra Sigurþórsdóttir, formaður Afls Starfsgreinafélags og varaformaður Starfsgreinasambandsins. Að auki mun Aðalsteinn Á. Baldursson formaður Framsýnar stéttarfélags og fyrrverandi sviðstjóri matvælasviðs sitja þingið.

Vegna verkfalls leikskólakennara

Eins og flestum er kunnugt þá hefur Félag Leikskólakennara boðað verkfall frá og með 22. ágúst nk. hafi samningar ekki náðst fyrir þann tíma. Þar sem okkar félagsmenn starfa á leikskólum við hliðina á leikskólakennurum sem hugsanlega fara í verkfall, er nauðsynlegt að hafa í huga hvað gæti talist verkfallsbrot, þ.e. verði túlkað þannig að okkar fólk sé að ganga í störf þeirra sem eru í verkfalli. Meðfylgjandi eru viðmiðunarreglur Félags leikskólakennara sem félagið leggur til grundvallar á verfallsvörslu sinni sem framkvæmd verður af Félagi leikskólakennara og á ábyrgð þess.

Báran, stéttarfélag hvetur félagsmenn til að sýna Félagi leikskólakennara stuðning í þessari kjarabaráttu og virða eftirtaldar viðmiðunarreglur í verkfalli sem stjórn Félags leikskólakennara hefur samþykkt.

 

 

 

Viðmiðunarreglur í verkfalli Félags leikskólakennara

Sé ekki farið að þessum viðmiðunarreglum gæti það verið túlkað sem verkfallsbrot.

• Ekki er heimilst að taka börn inn á deildir þar sem deildarstjórinn er í Félagi leikskólakennara. Þær deildir eru lokaðar.
• Ef deildarstjóri er ekki í Félagi leikskólakennara má sú deild taka við börnum sem skráð eru á þá deild, ekki af öðrum deildum.
• Ef deildarstjóri er í Félagi stjórnenda leikskóla (t.d. aðstoðarleikskólastjóri) má sú deild taka við börnum sem skráð eru þar, ekki af öðrum deildum. Ef deilarstjórinn er í 50% starfi, má deildin einungis taka við börnum hálfan daginn.
• Ef starfsmaður sem er félagi í FL starfar á deild þar sem deildarstjóri er ekki í verkfalli, fækkar börnum á deildinni sem því nemur (miðað við barngildisútreikninga).
• Ef félagsmaður í Félagi leikskólakennara er yfirmaður í frístund/skólavistun í grunnskóla eða sambærilegri stofnun, er frístund/skólavistun ekki heimilt að taka á móti börnum á meðan á verkfalli stendur.
• Námsferðir í verkfalli eru túlkaðar sem verkfallsbrot.
• Námskeið og önnur símenntun í verkfalli er túlkað sem verkfallsbrot.
• Starfsmönnum leikskóla sem verkfallið nær EKKI yfir, er óheimilt að taka eigin börn með sér í leikskólann á meðan verkfallið stendur, sé deild barnsins lokuð.
• Félagar í félagi leikskólakennara sem eru í orlofi ef verkfall skellur á, detta út af launaskrá. Viðkomandi heldur orlofsrétti sínum og getur annað hvort farið í orlof eftir að verkfalli lýkur eða fengið orlofið greitt samkvæmt samkomulagi við vinnuveitanda.
• Félagar í Félagi leikskólakennara sem eru í veikindaleyfi ef verkfall skellur á, detta út af launaskrá á meðan verkfallið stendur. Þann tím eru þeir þ.a.l. ekki að nýta veikindarétt sinn.
• Greiðslur úr Fæðingarorlofsssjóði  til þeirra sem eru í fæðingarorlofi haldast óbreyttar í verkfalli.

Samþykkt í stjórn FL 10. ágúst 2011 og yfirfarið að lögfræðingi KÍ.

 

 

Halldóra Sigr. Sveinsdóttir

Formaður Bárunnar, stéttarfélags

Báran, stéttarfélag

Austurvegi 56

800-Selfoss

s.4805000

halldora@baran.is

Kjarasamningur samþykktur

Félagsmenn í Bárunni, stéttarfélagi samþykktu nýgerðan kjarasamning Starfsgreinasambands Íslands við Samband íslenskra sveitarfélaga. 92,3% þeirra sem greiddu atkvæði sögðu já. Samningurinn var samþykktur með afgerandi hætti í öllum aðildarfélögum Starfsgreinasambandsins.

Samningurinn í heild sinni er hér

Launataflan er hér

 

Á kjörskrá voru alls 2257

Kjörsókn var 32,7%

Já sögðu 89%

Nei sögðu 10%

Auðir og ógildir seðlar 1%

AFL Starfsgreinafélag

Á kjörskrá voru alls 391

Kjörsókn var 31,7%

Já sögðu 87,1%

Nei sögðu 12,9%

Auðir og ógildir seðlar 0

Aldan stéttarfélag

Á kjörskrá voru alls 144

Kjörsókn var 25,7%

Já sögðu 100%

Nei sögðu 0

Auðir og ógildir seðlar 0

Báran stéttarfélag

Á kjörskrá voru alls 111

Kjörsókn var 12%

Já sögðu 92,3%

Nei sögðu 7,7%

Auðir og ógildir seðlar 0

Drífandi stéttarfélag

Ekki næg þátttaka til þess að atkvæðagreiðslan teldist gild. Þeir sem greiddu atkvæði samþykktu samninginn.

Eining-Iðja

Á kjörskrá voru alls 960

Kjörsókn var 38,5%

Já sögðu 85,9%

Nei sögðu 13%

Auðir og ógildir seðlar 1,1%

Stéttarfélag Vesturlands

Á kjörskrá voru alls 97

Kjörsókn var 34%

Já sögðu 87,9%

Nei sögðu 9,1%

Auðir og ógildir seðlar 3%

Stéttarfélagið Samstaða

Á kjörskrá voru alls 151

Kjörsókn var 26%

Já sögðu 95%

Nei sögðu 5%

Auðir og ógildir seðlar 0

Verkalýðsfélag Grindavíkur

Á kjörskrá voru alls 26

Kjörsókn var 15,4%

Já sögðu 100%

Nei sögðu 0

Auðir og ógildir seðlar 0

Verkalýðsfélag Suðurlands

Á kjörskrá voru alls 132

Kjörsókn var 37,9%

Já sögðu 90%

Nei sögðu 4%

Auðir og ógildir seðlar 6%

Verkalýðsfélag Snæfellinga

Á kjörskrá voru alls 22

Kjörsókn var 27%

Já sögðu 83%

Nei sögðu 17%

Auðir og ógildir seðlar 0

Verkalýðs og sjómannafélag Bolungarvíkur

Á kjörskrá voru alls 24

Kjörsókn var 16,7%

Já sögðu 100%

Nei sögðu 0

Auðir og ógildir seðlar 0

Verkalýðs og sjómannafélag Sandgerðis

Á kjörskrá voru alls 7

Kjörsókn var 57,1%

Já sögðu 100%

Nei sögðu

Auðir og ógildir seðlar