Úthlutun orlofseigna sumarið 2026

Nú styttist í að hægt verði að sækja um orlofseignir fyrir sumarið 2026. Um er að ræða fjölbreytta gistimöguleika víðs vegar um landið sem standa félagsmönnum til boða.

Orlofshús í boði

Eftirfarandi eignir eru í boði fyrir sumarið 2026:

• Þórisstaðir 1 og 2 í Grímsnesi.
• Þverlág 2 á Flúðum.
• Grýluhraun 9 í Grímsnesi.
• Arnarborg 16 í Stykkishólmi (skiptibústaður).
• Einarsstaðir 31 á Fljótsdalshéraði (skiptibústaður).
• Ásatún 12 á Akureyri (íbúð).

Umsóknarferli og mikilvægar dagsetningar

• Umsóknarfrestur: Opið er fyrir umsóknir frá 25. febrúar kl. 10:00 til 11. mars kl. 10:00.
• Hvar er sótt um? Sótt er um á Félagsvef Bárunnar. Hægt er að fá aðstoð við umsóknarferlið á skrifstofu félagsins að Austurvegi 56, Selfossi.
• Úthlutun: Niðurstöður munu liggja fyrir þann 13. mars kl. 11:30. Öllum umsóknum verður svarað.
• Greiðslufrestur: Ljúka þarf greiðslu fyrir 19. mars kl. 12:00 á miðnætti.

Leigutímabil og reglur

Allir virkir félagsmenn geta sótt um og er það eingöngu punktastaða umsækjenda sem ræður niðurstöðu úthlutunar.

• Flest hús: Leiga er frá fimmtudegi til fimmtudags á tímabilinu 4. júní til 27. ágúst.
• Akureyri (Ásatún 12): Leiga er frá miðvikudegi til miðvikudags á tímabilinu 3. júní til 26. ágúst.
• Reykjavík: Íbúðirnar í Sóltúni 28 og Borgartúni 24a verða í sveigjanlegri leigu eins og venjulega og er þeim því ekki úthlutað sérstaklega.

Fyrstur kemur, fyrstur fær

Þann 20. mars kl. 11:30 verður opnað fyrir lausar vikur (ógreiddar og óúthlutaðar) á Félagsvefnum og gildir þá reglan um að sá fyrsti sem bókar fær.