Félagsmenn geta sótt um ýmsa heilsu- og forvarnarstyrki í sjúkrasjóð Bárunnar, stéttarfélags. Greitt er út annan hvern föstudag. Breytingar geta orðið á þessu og er það þá auglýst sérstaklega á heimasíðu Bárunnar.
Til þess að eiga rétt á neðangreindum styrkjum þarf félagsmaður að hafa greitt til félagsins það gjald sem miðast við 100% starf eða hlutfallslega m.v hlutastarf í félagsgjöld næstliðna 6 mánuði nema annað sé tekið fram.
Reikningur skal dagsettur eftir að réttur félagsmanns til styrkja stofnast í sjóðnum. Ekki eru greiddir styrkir vegna reikninga sem verða til á þessu 6 mánaða ávinnslutímabili.
Ath. að greiðslukvittanir og öll vottorð mega ekki vera eldri en 1 árs (m.v. að réttindi liggi fyrir þá).
Samtals er hægt að fá styrki fyrir 120.000.- kr (Gildir frá 1. júní 2023.) á hverju tólf mánaða tímabili miðað við fullt starf.
Breytingar voru gerðar á heilsu og forvarnarstyrkjum sem tóku gildi þann 1. júní 2023
Sótt er um á mínum síðum en einnig er hægt að fá aðstoð í móttöku félagsins á Selfossi, Austurvegi 56, þriðju hæð.
Með umsókn staðfestir umsækjandi að viðkomandi hefur kynnt sér reglur sjúkrasjóðs, m.a reglur um endurkröfuheimildir sjóðsins.
Jafnframt heimilar umsækjandi starfsmönnum Bárunnar, stéttarfélags að vinna persónuupplýsingar viðkomandi í þágu félagsins og leita staðfestingar á gefnum upplýsingum og öðru því er varðar umsókn.