7 milljón manna verkalýðssamtök stofnuð í dag

Ein stærstu verkalýðssamtök Evrópu voru formlega stofnuð í dag en þau ná til verkafólks í iðnaði um alla álfuna. Samtökin hafa hlotið nafnið Industry all og eru Starfsgreinasambandið, VM og Samiðn meðal stofnaðila þess. Industry all verður til við samruna þriggja eldri félaga og mun það hafa 7 milljón verkamenn í iðnaði innan sinna vébanda og slagkrafturinn því mikill.