Við vinnum fyrir þig

Translate to

Category: Fréttir

Báran stéttarfélagFréttirFréttir
Fréttir Marta Katarzyna Kuc

Frír aðgangur að námskeiðum

Frír aðgangur að námskeiðum

Allt sem hugurinn girnist, bæði starfsmiðuð námskeið og almenn námskeið, árs áskrift eða stök námskeið. Endilega skoðaðu framboðið og sjáðu hvort eitthvað hittir í mark hjá þér!

Sjóðirnir hafa gert samninga við eftirtalda aðila:

https://www.mognum.is/ (Mögnum)
https://taekninam.is/ (Tækninám)
https://frami.is/ (Frami)
https://www.ntv.is/ (Nýi tölvu-og viðskiptaskólinn)
https://netkennsla.is/ (Netkennsla)
https://gerumbetur.is/ (Gerum betur)
https://island.dale.is/ (Dale Carnegie)
https://fraedslumidstodvar.is/ (Sjá hér allar símenntunarmiðstöðvar)

Vegna aðstæðna í íslensku samfélagi vegna covid-19 ákváðu stjórnir Landsmenntar, Ríkismenntar, Sveitamenntar og Sjómenntar að bjóða einstaklingum og fyrirtækjum uppá þann valkost að sækja námskeið á netinu þeim að kostnaðarlausu í ákveðinn tíma.

Átakið gildir frá 15.mars til og með 31.ágúst 2020 og gildir gagnvart námi/námskeiðum sem haldin eru innan þessa sama tímaramma eða áskrift keypt innan þess tímaramma.
Hægt er að sjá lista yfir fleiri fræðsluaðila og ráðgjafa í námi fullorðinna á heimasíðu sjóðanna: https://landsmennt.is/frambod-a-nami/

Fréttir Marta Katarzyna Kuc

Ályktun miðstjórnar Alþýðusambands Íslands um kjaramál

 

Miðstjórn Alþýðusambands Íslands hafnar með öllu hugmyndum um frestun launahækkana og skerðingu launa sem settar hafa verið fram af fulltrúum atvinnurekenda og stjórnvalda undanfarið. Miðstjórn ASÍ áréttar einnig mikilvægi þess að stjórnvöld etji ekki aðilum vinnumarkaðar saman nú þegar endurskoðun kjarasamninga stendur fyrir dyrum.
Kjaraskerðing ógnar ekki aðeins afkomuöryggi launafólks á krepputímum heldur hefur hún einnig skaðleg áhrif til frambúðar og mun bæði dýpka og lengja kreppuna. Bætt kjör launafólks skila sér bæði í aukinni neyslu, sem er afar áríðandi í samdrætti, og auknu skattfé, enda er launafólk helstu skattgreiðendur landsins. Samtök atvinnulífsins virðast hvorki hafa skilning á þörfum atvinnulífsins né almennings og kjósa heldur að fylgja hugmyndafræðilegri línu sem getur, ef henni er fylgt, haft í för með sér langvinnan skaða fyrir íslenskt efnahagslíf og samfélag.
Miðstjórn ASÍ mun berjast af fullum þunga fyrir kjörum launafólks og fyrir almannahagsmunum í þeirri kreppu sem nú stendur yfir.
 sjá nánar hér

 

 

/

 

Fréttir Marta Katarzyna Kuc

Telefon zaufania 1717

W najbliższy czwartek 3 września zostanie otwarta dla osób polskojęzycznych Infolinia Czerwonego Krzyża 1717 i czat internetowy www.1717.is
Usługa w j. polskim będzie czynna w czwartki w godz. 20-23.
Grupa wolontariuszy mówiących po polsku przyłączyła się do projektu i przeszła odpowiednie szkolenie, aby móc odpowiadać na pytania. Celem jest dotarcie do polskojęzycznych osób mieszkających w tym kraju. Uważamy, że projekt jest konieczny ze względu na dużą grupę polskojęzycznych osób mieszkających na Islandii, a przy wsparciu Ministerstwa Spraw Społecznych jesteśmy w stanie obsłużyć tę dużą grupę osób, która obecnie liczy
ponad 20 000 osób.
Od 2004 roku 1717 otrzymał setki tysięcy wiadomości przez telefon i czat online od osób potrzebujących pomocy.
Rocznie w 1717 odbieranych jest około 15 tysięcy wiadomości i są one bardzo zróznicowane. Większość z nich dotyczy problemów psychologicznych i społecznych, takich jak depresja, lęk, myśli samobójcze, izolacja społeczna i obawy finansowe.
W projekcie bierze udział około 100 wolontariuszy, którzy zapewniają wsparcie psychologiczne, aktywne słuchanie. Kontakt jest bezpłatny (np. do połączenia nie jest wymagany kredyt), a usługa jest zawsze anonimowa i poufna. Usługa jest dostępna przez 24 godziny na dobę w języku islandzkim, ale w ostatnich miesiącach trwały wyżej wymienione prace mające na celu rozszerzenie usługi.
Dobrze jest poznać i wskazać ludziom 1717. Dzwonić można przez całą dobę, pomoc otrzymają wszyscy, którzy tego potrzebują!
Żaden problem nie jest zbyt duży lub mały dla telefonu zaufania 1717 i czatu internetowego.
Więcej informacji w języku islandzkim i polskim można znaleźć na stronie www.1717.is, a takż na czacie.
https://www.raudikrossinn.is/polski
Fréttir thor

Yfirlýsing frá ASÍ

Kópur er ekki hluti af Alþýðusambandi Íslands, er ekki aðili að neinum kjarasamningnum, VIRK, Bjargi, orlofssjóðum, fræðslusjóðum eða sjúkrasjóðum

Nýtt stéttarfélag, Kópur, hefur verið auglýst og er auglýsingum einkum beint að Pólverjum sem starfa á Íslandi. Í kynningu á félaginu er látið í veðri vaka að það hafi aðgang að öllum þeim gæðum og þjónustu við félagsmenn sem íslensk verkalýðshreyfing hefur byggt upp um áratuga skeið og jafnvel að félagið sé tengt Alþýðusambandi Íslands. Þetta er rangt.

Það eru engin tengsl milli ASÍ og Kóps og okkur vitanlega hefur Kópur ekki gert neina kjarasamninga. Kópur er ekki með fræðslusjóð til að greiða menntun, er ekki með sjúkrasjóð fyrir þá sem verða veikir í lengri tíma, á ekki aðild að Bjargi íbúðafélagi sem býður lægri leigu og húsnæðisöryggi, er ekki aðili að VIRK starfsendurhæfingu og á ekki orlofshús. Mögulegir félagsmenn í Kópi myndu ekki njóta neinna ef þessum réttindum né hafa aðgang að lögfræðilegri og annarri faglegri aðstoð sem launafólki býðst almennt hjá sínum stéttarfélögum.

ASÍ hvetur til að þessum upplýsingum sé dreift sem víðast og komið í veg fyrir að launafólk afsali sér óafvitandi réttindum sem verkalýðshreyfingin hefur byggt upp um áratuga skeið.

Fréttir thor

Fræðsluátak framlengt til ársloka!

Átakið tók gildi 15.mars og verður nú framlengt frá 31. ágúst til 31. desember 2020 og gildir gagnvart námi/námskeiðum sem haldin eru innan þessa sama tímaramma.

Nánari útfærsla á átaksverkefninu: Gerðir voru samningar við fræðsluaðila sem bjóða upp á vefnám/fjarnám þar sem fyrirtækjum og einstaklingum er boðin þátttaka í námi/námskeiðum þeim að kostnaðarlausu. Þessir samningar gilda einnig tímabundið og gagnvart því námi/námskeiðum sem fræðsluaðilar bjóða upp á innan þessa tímaramma það er núna frá 15. mars til og með 31.desember 2020. Einstaklingar og fyrirtæki geta skráð sig hjá viðkomandi fræðsluaðilum sem sjóðurinn er með samninga við án þess að greiða (gildir gagnvart námi/námskeiði sem kostar að hámarki 30.000,-). Fræðsluaðilarnir senda reikninga beint á sjóðina.

Breytingar á úthlutunarreglum voru eftirfarandi:
• Endurgreiðslur til fyrirtækja vegna kostnaðar við námskeiðahald, voru hækkaðar úr allt að 75% í allt að 90% af styrkhæfum heildarkostnaði. Gildistími verði frá 15. mars til og með 31. desember 2020.
• Hámarksupphæð einstaklingsstyrkja verður áfram kr. 130.000 á ári miðað við núverandi reglur. Hlutfalli endurgreiðslu var hins vegar breytt og er 90% í stað 75% af kostnaði við námið. Gildistími frá 15. mars til og með 31. desember 2020.
• Tómstundstyrkir sem voru 75% en að hámarki kr. 30.000 á ári eru í sama hámarki og hefðbundnir styrkir, það er kr. 130.000 á ári. Hlutfall endurgreiðslunnar verði sömuleiðis 90% af viðurkenndum kostnaði við námið. Gildistími verði frá 15. mars til og með 31. desember 2020.

Nánari upplýsingar veita Kristín Njálsdóttir, kristin@landsmennt.is og Hulda Björg Jóhannesdóttir, hulda@landsmennt.is í síma 599-1450 eða á tölvupósti.

Fréttir thor

Nú getur þú komið uppá skrifstofu og fengið eintak af kjarasamning þínum !

 

Kjarasamningar SGS komnir úr prentun

Þeir samningar sem eru komnir úr prentun eru heildarkjarasamningur SGS og SA sem og samningar sambandsins við Samband íslenskra sveitarfélaga, Bændasamtök Íslands og Landssambands smábátaeigenda og Samband smærri útgerða. Aðrir samningar, þ.e. greiðasölusamningur SGS og SA og samningur SGS og ríkisins, eru væntanlegir úr prentun á næstunni.

Hafi félagsmenn hug á að nálgast eintak af umræddum samningum er þeim bent á að hafa samband við sitt stéttarfélag eða heimsækja skrifstofu þess, en þeir munu berast félögunum á næstunni. Eins og áður má nálgast alla samninga sambandins á rafrænu formi hér á heimasíðunni.


Eins og sjá má þá er upplagið ansi veglegt.

  1. 11. JÚNÍ 2020Kjarasamningar SGS komnir úr prentun
  2. 20. MAÍ 2020Enn er byrjað á að reka ræstingarfólk
  3. 20. MAÍ 2020Eldri kjarasamningar og kauptaxtar aðgengilegir á vef SGS
  4. 11. MAÍ 2020Ályktun frá fundi formanna SGS

 

Fréttir thor

Ert þú á aldrinum 18-35 ára ? Báran leitar að fulltrúum á Þing ASÍ UNG ! Hefur þú áhuga?

Kæru félagsmeðlimir

 

Þing ASÍ-UNG verður haldið föstudaginn 11. september nk. á Icelandair Hotel Reykjavik Natura að Nauthólsvegi, 101 Reykjavík.

Þingið hefst klukkan 10 og gert ráð fyrir því að þingslit verði klukkan 16 og við taki óformleg dagskrá sem ljúki með kvöldverði.

Stjórn ASÍ-UNG hefur samþykkt að helstu umræðuefni þingsins verði: Framtíðarsýn ASÍ-UNG og hlutverk og fyrirkomulag ungliðastarfs innan Alþýðusambandsins.

 

Báran leitar að 2 fulltrúum  á aldrinum 18-35 ára til að sita þingið fyrir hönd Bárunnar.

Annar aðilinn verður að vera fullgildur meðlimur Bárunnar en hinn ekki.

Greitt er fyrir fundarsetu, ferðir og gistingu í Reykjavík.

 

Áhugasamir geta sent tölvupóst á netfangið drifa@baran.is

Fréttir thor

Hægt er nú að bóka orlofshús okkar frá byrjun september til 13. nóvember 2020

Kæru félagsmenn,

Við hjá Bárunni vonum að þið séuð að njóta sumarsins.
Við höfum nú opnað fyrir bókanir á orlofshúsum og íbúðum inná orlofsvef okkar fram til Föstudagsins 13.nóvember.
Ef einhverjar fyrirspurnir vakna má hafa samband með því að senda tölvupóst á baran@baran.is eða hringja í síma 480-5000 milli klukkan 08:00 og 16:00.
Hlekkur á orlofsvefinn er hér að neðan.

https://orlof.is/baran/index.php

Dear Members
We at Báran union hope that you are enjoying the summer.
We have now opened for bookings of our vacation houses and apartments from the beginning of september until the 13th of november which can be booked through our website.
If there are any questions, you can reach us through e-mail baran@baran.is or call 480-5000 between the hours of 08:00 -16:00.
Link to site below.

https://orlof.is/baran/index.php

Fréttir thor

Svör við nokkrum spurningum varðandi félagsaðild að stéttarfélagi

Í vinnustaðaheimsóknum Bárunnar, stéttarfélags á síðustu misserum hefur verið mjög áberandi í umræðunni stéttarfélagsaðild starfsmanna fyrirtækja. Viðmælendur virtust almennt ekki
meðvitaðir um hvaða meginreglur gilda varðandi stéttarfélagsaðild. Ýmsar spurningar fylgdu í kjölfarið og ætlum við að reyna að svara þeim hér.

 

„Þarf ég að greiða í stéttarfélag?“

Samkvæmt lögum frá 1980 nr. 55 er atvinnurekendum gert skylt að halda eftir af launum starfsmanna iðgjaldi til viðkomandi stéttarfélags samkvæmt þeim reglum, sem kjarasamningar greina. Samkvæmt 74. gr. stjórnarskrárinnar um félagafrelsi og ákvæðum l. 55/1980 er launafólki frjálst að standa utan stéttarfélaga þótt því beri aftur á móti skylda til þess að taka þátt í fjármögnun kjarnahlutverks stéttarfélaganna sem er að gera lágmarks kjarasamninga sem ná til allra óháð formlegri félagsaðild.

 

„Ef ég skipti um félag missi ég þá öll réttindi?“

 Ef iðgjald er greitt til aðildarfélaga innan ASÍ flytur viðkomandi réttindi á milli stéttarfélaga. Báran fylgir sínum félagsmönnum eftir í 6 mánuði eftir að hætt er að greiða á meðan félgasmaður ávinnur sér rétt í nýju félagi.

 

„Er ekki sama í hvaða stéttarfélagi ég greiði?“

Stéttarfélögin hafa gert samkomulag um félagssvæðin. Í lögum hvers félags eru félagssvæðin tilgreind.  Báran, stéttarfélag er með félagssvæði milli Þjórsár og Ölfusár utan Ölfuss og Hveragerðis. Þeir sem starfa á þessum ákveðnu félagssvæðum greiða til þess félags sem félagssvæðið tilheyrir.

 

„Get ég valið um stéttarfélag á sama félagssvæði?“

 Ef tvö félög eða fleiri eru aðilar að sama kjarasamnigi í sömu starfsgrein á sama félagssvæði er hægt að velja félag.

 

„Hvað græði ég á því að greiða í stéttarfélag?“

Flest félög ganga eins langt og hægt er varðandi réttindi félagsmönnum til handa. Félögin eru með sjúkradagpeninga, sjúkrastyrki, starfsmenntasjóði, orlofshús, og almenna lögfræðiþjónustu fyrir félagsmenn. Einnig starfar Virk starfsendurhæfingarsjóður á vegum stéttarfélaganna.

 

„Hvað gerir Virk fyrir mig?“

Ef starfsgeta þín er skert vegna heilsubrests getur þú leitað aðstoðar hjá ráðgjafa sjúkrasjóðs stéttarfélagsins þíns. Ráðgjafinn aðstoðar þig við að efla færni þína og vinnugetu. Þjónustan miðar að því að efla styrkleika þína og draga úr áhrifum hindrana á vinnugetu og þátttöku á vinnumarkaði.

 

„Getur atvinnurekandinn ákveðið í hvaða félag ég greiði?“

Atvinnurekanda ber að fara eftir þeim reglum sem gilda á vinnumarkaði og getur ekki ákveðið fyrir hönd starfsmanna fyrirtækisins til hvaða félags þeir eiga að greiða.

 

„Eru sömu laun í öllum stéttarfélögum?“

Í öllum kjarasamningum er kveðið á um lágmarkslaun sem þýðir að ekki megi greiða lægra en lágmarkstaxta. Engin kjarasamningur eða stéttarfélag hamlar því að ekki megi greiða meira. Það er öllum frjálst að greiða góð laun óháð félagsaðild. Öll félög hvetja til bættra kjara. Lágmarkstaxti er ekkert lögmál.

 

Vonandi svarar þetta einhverjum spurningum. Ýmsar upplýsingar eru á heimasíðu félagsins varðandi kaup og kjör. Viljum við hvetja félagsmenn til þessa að fylgjast með heimasíðunni og facebook síðunni.

Slóðin er www.baran.is

Skrifstofan að Austurvegi 56, er opin  mánudaga til fimmtudaga frá 8:00-16:00 og frá 08:00-15:00 á föstudögum.

MENU