Creditinfo hætti skráningum tafarlaust !
https://ns.is/2020/04/06/creditinfo-haetti-skraningum-tafarlaust/?fbclid=IwAR2_ovSxkpAQ640SC6QRO5_30vzm9bZPa_hcZhDQ2h-T-YRdZ_iy-qw2GL0
https://ns.is/2020/04/06/creditinfo-haetti-skraningum-tafarlaust/?fbclid=IwAR2_ovSxkpAQ640SC6QRO5_30vzm9bZPa_hcZhDQ2h-T-YRdZ_iy-qw2GL0
Enska_Leiðbeiningar til vinnustaða v. Covid-19 – einblöðungur
Enska_Leiðbeiningar til vinnustaða v. Covid-19
Pólska_Leiðbeiningar til vinnustaða v. Covid-19 – einblöðungur
Pólska_Leiðbeiningar til vinnustaða v. Covid-19
Leiðbeiningar til vinnustaða v. Covid-19 – einblöðungur
Leiðbeiningar til vinnustaða v. Covid-19
Ferkari upplýsingar https://www.vinnueftirlit.is/fraedsla/covid-19
More information https://www.vinnueftirlit.is/fraedsla/covid-19
Vakin er athygli á því að:
Vinnueftirlitinu er heimilt að loka vinnustöðum sem ekki virða samkomubann
Hert samkomubann sem tók gildi 24. mars sl. kveður á um að ekki megi fleiri en tuttugu manns koma saman í hverju rými og að halda þurfi tveggja metra fjarlægð frá næsta manni. Þessar reglur gilda á vinnustöðum landsins sem og annars staðar, að matvöruverslunum og lyfjaverslunum undanskildum.
COVID-19 er sjúkdómur sem er getur ógnað heilsu starfsfólks. Heilbrigðisráðherra hefur ákveðið í samræmi við 12. gr. sóttvarnarlaga og að tillögu sóttvarnalæknis, að takmarka samkomur vegna útbreiðslu COVID-19 í samfélaginu.
Nokkuð hefur borið á því að fyrirtæki óski eftir undanþágu frá þessum reglum og hefur Almannavörnum borist talsvert af tilkynningum um að þær séu virtar að vettugi. Langflestum undanþágubeiðnum er hafnað.
Vinnueftirlitið hefur heimildir til að veita fyrirmæli um að hið nýja samkomubann verði virt og loka vinnustöðum sem ekki fara eftir því.
Mikilvægt er að vinnustaðir virði hert samkomubann gagnvart starfsfólki sínu og hagi starfseminni þannig að ekki séu fleiri en 20 starfsmenn í sama rými.
Vakin er athygli á að bannið hefur verið sett á að vel ígrunduðu máli stjórnvalda hér á landi og því ber að taka alvarlega.
Ein af ástæðum þess að hert samkomubann var sett á, er að kórónaveiran hefur haft nokkur áhrif á starfsemi Landspítalans. Farið er í þessar aðgerðir til að varna því að veiran breiðist út. Nauðsynlegt er að hægja á faraldrinum enn frekar til að auka líkur á því að heilbrigðiskerfið geti sinnt þeim sem veikjast af COVID-19, ásamt því að sinna annarri bráðaþjónustu.
Vinnueftirlitið beinir því til atvinnurekenda og vinnustaða að hlíta hertum reglum um samkomubann. Að öðrum kosti er litið svo á að aðstæður geti ógnað öryggi og heilbrigði starfsmanna.
Fari vinnustaðir ekki að fyrirmælum Vinnueftirlitsins mun stofnunin grípa til þvingunaraðgerða í formi lokunar vinnustaða eða þeim hluta þeirra sem um ræðir með vísun til laga um aðbúnað, hollustuhætti og öryggi á vinnustöðum.
Vinnueftirlitið hvetur fólk til að leita sér nánari upplýsinga um samkomubannið á covid.is
Einn stærsti útgjaldaliður heimila er leiga eða afborgun húsnæðislána. Í ljósi aðstæðna sem nú hafa áhrif á atvinnu og afkomu fjölmargra heimila hefur ASÍ lagt ríka áherslu á að bankar, lífeyrissjóðir og aðrir kröfuhafar komi til móts við fólk í þessum erfiðu aðstæðum. Að þeir sýni sanngirni, sveigjanleika varðandi greiðslufresti og innheimtukostnað á meðan óvissuástand stendur yfir. Lánastofnanir og leigufélög hafa flest kynnt úrræði til að létta byrði heimila um sinn m.a. með því að bjóða upp á tímabundnar frestanir afborgana eða tímabundna frestun á leigu.
Hér að neðan er að finna um helstu skilmála og kostnað þessara úrræða hjá stærstu lánveitendum húsnæðislána.
Alþýðusambandið brýnir fyrir lánveitendum að hafi ávallt að leiðarljósi að upplýsa einstaklinga með skýrum og greinagóðum hætti um áhrif þeirra úrræða sem í boði eru á greiðslubyrði til skamms og langs tíma. Hvaða leiðir séu færar til að draga úr langtímaáhrifum á fjárhag heimilanna. Þá skuli öllum kostnaði sem innheimtur er vegna úræðanna haldið í algjöru lágmarki og neytendur vel upplýstir um hann.
Frestun á greiðslum húsnæðislána
Lánastofnanir bregðast nú við fyrirsjáanlegri lækkun á tekjum margra heimila með því að gefa kost á á frestun greiðslna af fasteignalánum. Frestun er einkum sett fram sem möguleiki fyrir þá sem nú verða fyrir tekjufalli. Lánastofnanir setja ólík skilyrði fyrir greiðslufresti. Sumar óska eftir að sýnt sé fram á tekjufall á meðan aðrar fela viðskipavinum sjálfum að meta þörfina fyrir greiðslufresti. Í flestum tilfellum býðst greiðslufrestun ekki ef vanskil voru til staðar fyrir kórónuveirufaraldur. Lánveitendur bjóða mislanga frestun greiðslna, allt frá þremur mánuðum upp í heilt ár.
Kostnaðurinn við að fresta greiðslum húsnæðislána er mismikill eftir lánveitendum. Fyrst þegar frestunarúrræði voru kynnt fylgdi þeim talsverður kostnaður hjá flestum lánastofnunum en margir hafa nú lækkað kostnaðinn vegna kröftugra mótmæla m.a. frá ASÍ. Nokkrir lánveitendur hafa alveg fallið frá því að taka umsýslugjöld.
Við frestun greiðslna af lánum þarf að gera skilmálabreytingu á skuldabréfi. Ekki verður komist hjá því að greiða 2.500 kr. Þinglýsingargjald sem Sýslumaður innheimtir. Kalla getur þurft eftir veðbandayfirliti og kostnaður af því er um 1.000 – 1.500 kr. Einhverjar lánastofnanir taka umsjónagjald vegna þinglýsingar, sem komast má hjá með því að sjá sjálfur um að koma skjölum til Sýslumanns. Gjaldið er oftast á bilinu 1.000 – 1.500. kr. Þá innheimta lánastofnanir að jafnaði skjalagerðar- eða skilmálabreytingagjald en hluti lánastofnanna hefur nú fallið frá þeim gjöldum eða lækkað þau.
Kostnaður við greiðslufrest lána
*Upplýsingar sóttar 1.4 |
Þinglýsingar
-gjald |
Veðbókar-vottorð | Skjalagerðargj./ skilmálabreytingagj. | Gjald v/ þinglýsingar |
Hámarks lengd í mánuðum | |
LIVE | 2.500 | 1.200 | 0 | 1.500 | 6 | |
LSR | 2.500 | 1.200 | 2.500 | 1.500 | 12 | |
Gildi | 2.500 | 1.200 | 3.000 | 950 | 6 | |
Brú | 2.500 | – | 15.000 | – | 6 | |
Birta | 2.500 | 2.000 | 5.000 | 950 | 6 | |
Festa | 2.500 | – | 10.000 | – | 6 | |
Stapi | 2.500 | 2.000 | 5.000 | 1.500 | 6 | |
HMS | 2.500 | – | 0 | – | 3 | |
Arion | 2.500 | 1.055 | 0 | 0 | 3 | |
Íslandsbanki | 2.500 | 1.550 | 0 | 950 | 7 | |
Landsbankinn | 2.500 | – | 0 | 0 | 6 |
Hægt er að smella á hlekkina og fá nánari upplýsingar um úrræði á heimasíðu viðkomandi lánveitanda
Flest úrræði um greiðslufrest eru þannig að ekkert er greitt af láni á frestunartímabili. Vextir reiknast eins og vanalega en í stað þess að greiðast mánaðarlega leggjast þeir ofan á höfuðstól láns að loknu tímabili greiðslufrests. Greiðslubyrði lána verður hærri þegar greiðslur hefjast aftur bæði vegna þess að borgað er af láni á skemmri tíma og vextir frestunartímabilsins leggjast við höfuðstól. Sumar lánastofnanir bjóða þó uppá að greiða vexti og verðbætur meðan greiðslufrestur stendur yfir. Í þeim tilvikum er einungis afborgun höfuðstóls frestað. Höfuðstóllin vex þá ekki á frestunartímabilinu en hann greiðist á skemmri tíma eftir frestun sem hækkar afborganir í framhaldinu en þó minna en þegar ekkert er greitt. Sumar lánastofnanir lengja einnig í lánum samhliða frestun og þannig er dregið úr hækkun á greiðslubyrði þegar greiðslur hefjast á ný.
Frestun leigugreiðslna hjá leigufélögum
Hjá leigufélaginu Ölmu er boðið uppá að fresta hluta af allt að þremur leigugreiðslum og hjá Heimavöllum stendur til boða að fresta hluta af sex greiðslum. Þeim greiðslum sem er frestað má svo dreifa á allt að 24 mánuðum hjá báðum félögunum. Bæði félögin bjóða uppá að lækka leigugreiðslur tímabundið um að hámarki helming umsaminnar leigu. Greiðsludreifingin er leigutökum að kostnaðarlausu og án vaxta.
Rétt er að hafa í huga að þessar frestuðu greiðslur dreifast á mun skemmri tíma en frestanir þeirra sem eru að borga af lánum. Leigugreiðslur eftir frestunartímabil verða því töluvert hærri en fyrir. Sé t.a.m. helmingi leigu frestað í 6 mánuði og þeirri frestun svo að þeim tíma liðnum dreift á 24 mánuði þýðir það 12,5% hækkun leigu á því tímabili. Ef frestuninni er dreift á 12 mánuði hækkar leigan um 25% á meðan frestunin er greidd upp.
Niðurstöður atkvæðagreiðslu um nýjan kjarasamning 18 aðildarfélaga Starfsgreinasambands Íslands og fjármálaráðherra f.h. ríkissjóðs liggja nú fyrir og var samningurinn samþykktur með miklum meirihluta.
Atkvæðagreiðslan stóð yfir á tímabilinu 19. til 26. mars. Í heildina var kjörsókn tæplega 20%. Já sögðu 88,65% en nei sögðu 9,19%. 2,16% tóku ekki afstöðu. Á kjörskrá voru 947 manns.
Samningurinn, sem undirritaður var 6. mars síðastliðinn, er því samþykktur hjá eftirfarandi félögum: AFLi Starfsgreinafélagi, Öldunni stéttarfélagi, Bárunni stéttarfélagi, Drífanda stéttarfélagi, Einingu-Iðju, Framsýn stéttarfélagi, Stéttarfélagi Vesturlands, Stéttarfélaginu Samstöðu, Verkalýðsfélagi Akraness, Verkalýðsfélagi Grindavíkur, Verkalýðs- og sjómannafélagi Bolungarvíkur, Verkalýðs- og sjómannafélagi Sandgerðis, Verkalýðsfélagi Snæfellinga, Verkalýðsfélagi Suðurlands, Verkalýðsfélagi Vestfirðinga, Verkalýðsfélagi Þórshafnar, Verkalýðs- og sjómannafélagi Keflavíkur og nágrennis og Verkalýðsfélaginu Hlíf.
Hér er dæmi um slíkt samlomulag. Koma þarf fram í hversu mikilli prósentu viðkomandi var í og hvað hann fer niður í tímabundið.
Að loknum þessum samningi helst svo fyrri prósenta í ráðningasambandinu.
Ekki má láta starfsmann vinna meira en prósentan nemur í lækkuðu hlutfalli.
Landsmennt fræðslusjóður Samtaka atvinnnulífsins og verkafólks á landsbyggðinni býður einstaklingum og fyrirtækum að sækja námskeið þeim að kostnaðarlausu.
Í ljósi aðstæðna í íslensku samfélagi hefur stjórn Landsmenntar fræðslusjóðs ákveðið bjóða einstaklingum og fyrirtækjum uppá þann valkost að sækja námskeið á netinu eða í fjarkennslu þeim að kostnaðarlausu.
Einnig mun sjóðurinn rýmka úthlutunarreglur sjóðsins sem taka til námskeiða sem ekki eru rafræn eða í fjarkennslu. Stofnað verður til átaks í stafrænni/rafrænni fræðslu innan atvinnulífsins í samstarfi við fræðsluaðila og fyrirtæki.
Átakið gildir frá 15.mars til og með 31.ágúst 2020 og gildir gagnvart námi/námskeiðum sem haldin eru innan þessa sama tímaramma. Þessi tímarammi verður endurskoðaður ef tilefni verður til.
Nánari útfærsla á átaksverkefninu: Gerðir verða samningar við fræðsluaðila sem bjóða upp á vefnám/fjarnám þar sem fyrirtækjum og einstaklingum er boðin þátttaka í námi/námskeiðum þeim að kostnaðarlausu. Þessir samningar gilda einnig tímabundið og gagnvart því námi/námskeiðum sem fræðsluaðilar bjóða upp á innan þessa tímaramma það er frá 15. mars til og með 31. ágúst 2020
Um leið og Landsmennt hvetur stjórnendur fyrirtækja til þess að sinna sí-og endurmenntun starfsmanna sinna, vill stjórnin koma því á framfæri að tekið verði á móti öllum góðum hugmyndum að fræðslu sem kynnu að nýtast og falla vel að úthlutunarreglum sjóðsins.
Breytingar á úthlutunarreglum eru eftirfarandi:
Nánari upplýsingar veitir Kristín Njálsdóttir, framkvæmdastjóri Landsmenntar í síma 863 6480 eða á tölvupósti, kristin@landsmennt.is
Kosningu fer að ljúka um kjarassamning milli SGS og ríkissins.
Þeir sem starfa hjá ríkinu hafa rétt til að kjósa. Þitt atkvæði skiptir máli !
Hér getur þú fundið efni um nýja samninginn https://www.sgs.is/kjaramal/kjarasamningar/kjarasamningur-sgs-og-rikisins-2019-2023/
og hér getur þú kosið↓
The voting about the unions contract between SGS and the government is about to close.
If you work for the government you can vote. Your vote matters !
Here you can find material about the new contract https://www.sgs.is/kjaramal/kjarasamningar/kjarasamningur-sgs-og-rikisins-2019-2023/
VOTE HERE ↓