Nýr kjarasamningur samþykktur hjá öllum félögum SGS

Niðurstöður atkvæðagreiðslu um nýjan kjarasamning Starfsgreinasambands Íslands og Samtaka atvinnulífsins á hinum almenna vinnumarkaði liggja nú fyrir og var samningurinn samþykktur með yfirgnæfandi meirihluta. Starfsgreinasambandið hélt utan um sameiginlega rafræna atkvæðagreiðslu meðal 18 félaga um nýjan samning, en AFL Starfsgreinafélag sá sjálft um sína atkvæðagreiðslu. Atkvæðagreiðslan stóð yfir á tímabilinu 12. til 23. apríl. Í heildina var kjörsókn 12,78%, já sögðu 80,06% en nei sögðu 17,33%. 2,61% tóku ekki afstöðu. Á kjörskrá voru 36.835 manns.

Niðurstöður atkvæðagreiðslu SGS (PDF)

Niðurstöðurnar voru afgerandi í öllum félögunum nema einu, en í 17 af 19 félögum var samningurinn samþykktur með yfir 70% atkvæða. Samningurinn á hinum almenna vinnumarkaði, sem undirritaðir voru 3. apríl síðastliðinn, telst því samþykktur hjá eftirfarandi félögum: AFLi Starfsgreinafélagi, Öldunni stéttarfélagi, Bárunni stéttarfélagi, Drífanda stéttarfélagi, Eflingu stéttarfélagi, Einingu-Iðju, Framsýn stéttarfélagi, Stéttarfélagi Vesturlands, Stéttarfélaginu Samstöðu, Verkalýðsfélagi Akraness, Verkalýðsfélagi Grindavíkur, Verkalýðs- og sjómannafélagi Bolungarvíkur, Verkalýðs- og sjómannafélagi Sandgerðis, Verkalýðsfélagi Snæfellinga, Verkalýðsfélagi Suðurlands, Verkalýðsfélagi Vestfirðinga, Verkalýðsfélagi Þórshafnar, Verkalýðs- og sjómannafélag Keflavíkur og nágrennis og Verkalýðsfélaginu Hlíf.

Hvert atkvæði skiptir máli!

Rafræn atkvæðagreiðsla hjá Bárunni, stéttarfélagi um nýjan kjarasamning Starfsgreinasambands Íslands við Samtök atvinnulífsins fyrir störf á almennum vinnumarkaði, sem undirritaður var 3. apríl síðastliðinn lýkur þriðjudaginn 23. apríl kl. 16:00. Niðurstöður atkvæðagreiðslunnar verða tilkynntar 24. apríl.

Atkvæðisrétt eiga allir félagsmenn Bárunnar sem vinna eftir viðkomandi samningi og greiddu félagsgjöld í janúar/febrúar 2019. Kynningarefni hefur verið sent út í pósti samkvæmt kjörskrá. Frekara kynningarefni um samninginn má nálgast hér.

Fái einhver, sem telur sig eiga atkvæðisrétt, kynningarefnið ekki sent getur viðkomandi snúið sér til skrifstofu Bárunnar nk þriðjudag (23. apríl) og fengið sig færðan á kjörskrá og greitt atkvæði, enda leggi viðkomandi fram launaseðil sem sanni afdregin félagsgjöld í janúar/febrúar 2019. Tekið er við kjörskrárkærum samkvæmt framansögðu til kl. 16.00 nk. þriðjudag en  eins og áður segir þá lýkur atkvæðagreiðslu um samninginn.

Félagsmenn eru eindregið hvattir til að nýta réttindi sín og greiða atkvæði!

Upplýsingar um hvernig skal kjósa

Information on how to vote !!

Jak głosować?

Athugið að félagsmenn sem starfa hjá ríki og sveitarfélögum falla ekki undir þessa kjarasamninga  og kjósa því ekki um þá.

Attention ! If you are working for the town or the state then you are not voting now, you will vote another time.

Kjósið hér ⇓    Vote here ⇓

Rafræn atkvæðagreiðsla

Við viljum minna félagsmenn sem starfa á almenna vinnumarkaðinum á að kjósa um nýja kjarasamninga við Samtök atvinnulífsins.  Atkvæðagreiðslan stendur yfir á heimasíðu félagsins til klukkan 16.00 þann 23. apríl nk.

Látum ekki aðra taka ákvörðun um kaup okkar og kjör. Tökum sjálf ábyrgð og greiðum atkvæði.

Hvert atkvæði skiptir máli!

Upplýsingar um kosningarnar.

Rafræn atkvæðagreiðsla er til 23 apríl !!

Rafræn atkvæðagreiðsla hjá aðildarfélögum SGS um nýjan kjarasamning Starfsgreinasambands Íslands við Samtök atvinnulífsins fyrir störf á almennum vinnumarkaði, sem undirritaður var 3. apríl 2019, hefst kl. 13:00 í dag, þann 12. apríl, og lýkur þriðjudaginn 23. apríl kl. 16:00.

Atkvæðisrétt eiga allir félagsmenn í aðildarfélögum SGS sem vinna eftir viðkomandi samningi og greiddu félagsgjöld til einhvers aðildarfélaga SGS í janúar/febrúar 2019. Kynningarefni hefur verið sent út í pósti samkvæmt kjörskrá. Frekara kynningarefni um samninginn má nálgast hér.

Fái einhver, sem telur sig eiga atkvæðisrétt, kynningarefnið ekki sent getur viðkomandi snúið sér til skrifstofu síns stéttarfélags og fengið sig færðan á kjörskrá og greitt atkvæði, enda leggi viðkomandi fram launaseðil sem sanni afdregin félagsgjöld í janúar/febrúar 2019. Tekið er við kjörskrárkærum samkvæmt framansögðu til kl. 16.00 þriðjudaginn 23. apríl en þá lýkur atkvæðagreiðslu um samninginn. Félagsmenn eru eindregið hvattir til að nýta réttindi sín og greiða atkvæði.

Athugið að félagsmenn sem starfa hjá ríki og sveitarfélögunum falla ekki undir þessa kjarasamninga  og kjósa því ekki um þá.

Polish 

Głosowanie dot. umowy zbiorowej 2019-2022.

Głosowanie elektroniczne związków zawodowych SGS(Báran ) dot. nowej umowy zbiorowej zawartej pomiędzy związkami SGS a federacją pracodawców SA, która została podpisana 3 kwietnia bieżącego roku rozpocznie sie o godz. 13:00  12 kwietnia i zakończy się 23 kwietnia o godz. 16:00.

Prawo do głosowania maja te osoby które pracują na ogólnym rynku pracy i płaciły składki za miesiąc styczeń i luty 2019 r.

Prawo do głosowania mają Ci którzy pracują na ogólnym rynku pracy, a nie osoby pracujące w placówkach gminnych, państwowych lub placówkach mąjących zawarte szczególne umowy.

Rafræn atkvæðagreiðsla um nýjan kjarasamning

Lífskjarasamningurinn 2019-2022

Kynningafundur verður hjá Bárunni, stéttarfélagi mánudaginn 15. apríl kl 18:00 í fundarsal félagsins að Austurvegi 56, Selfossi.

Now we have the general contract in english

How ever, this contract is only valid until the new contracts have been signed.

When we have a new contract, we will upgrade this one.

You can find this contract on the right sidebar on baran.is – under KJARASAMNINGAR

Contracts in english

INNLEGG RÍKISSTJÓRNARINNAR Í KJARASAMNINGA – HELSTU ATRIÐI

Eftir viðræður við verkalýðshreyfinguna og atvinnurekendur undanfarna daga og vikur kynnti ríkisstjórnin innlegg sitt til að liðka fyrir gerð kjarasamninga í gær, þ.e. í kjölfarið á undirritun nýs kjarasamnings. Aðgerðirnar munu nýtast best tekjulágum einstaklingum og ungu fólki sem rímar við áherslur og kröfur verkalýðshreyfingarinnar í yfirstandandi kjaraviðræðum.

Meðal helstu atriða í innleggi ríkisstjórnarinnar eru:

• Nýtt lágtekjuþrep í þriggja þrepa skattkerfi. Ráðstöfunartekjur tekjulægsta hópsins aukast um 10.000 kr/mánuði.
• Húsnæðismál: 2 milljarðar í viðbót í stofnframlög 2020-2022 ca. 1.800 íbúðir, unnið verður með aðilum vinnumarkaðarins að leiðum til að auðvelda ungu fólki fyrstu kaup og núverandi heimild til nýtingar á séreingarsparnaði verður framlengd.
• Lífeyrismál: lögfest verður heimild til að ráðstafa 3,5% í tilgreinda séreign. Heimilt verður að ráðstafa tilgreindri séreign til húsnæðismála með tíma og fjárhæðartakmörkum. Farið verður í endurskoðun lífeyristökualdurs í samráði við aðila.
• Fæðingarorlof lengist úr 9 mánuðum í 10 í byrjun árs 2020 og lengist í 12 mánuði í byrjun árs 2021.
• Tekið verður á kennitöluflakki samkvæmt tillögum ASÍ og SA og heimildir til refsinga auknar. Keðjuábyrgð um opinber innkaup verður lögfest. Aðstoð og vernd fyrir fórnarlömb vinnumannsals og nauðungarvinnu aukin.
• Verðtryggð jafngreiðslulán til lengri tíma en 25 ára verða bönnuð frá 2020 nema með ákveðnum skilyrðum. Frá byrjun árs 2020 verður lágmarkstími verðtryggðra neytendalána lengdur úr 5 í 10 ár. Spornað verður við sjálfvirkum vísitöluhækkunum vöru, þjónustu og skammtímasamninga.

-Kynning á yfirlýsingu stjórnvalda vegna kjarasamninga

-Stuðningur stjórnvalda við lífskjarasamninga

-Yfirlýsing ríkisstjórnar vegna afnáms verðtryggingar

Drífa Snædal forseti ASÍ ræðir nýgerða kjarasamninga !

Drífa Snædal, forseti ASÍ, fer yfir aðdraganda kjarasamninganna og helstu atriði í laufléttu spjalli við Snorra Má Skúlason.

Smelltu á myndina neðst og ýttu svo  á play takkan

til að hlusta !

Nýir kjarasamningar verslunar- og verkafólks undirritaðir

Helstu atriði nýrra kjarsamninga verslunar-, skrifstofu- og verkafólks:

 Kjarasamningarnir gilda frá 1. apríl 2019 – 1. nóvember 2022
 Krónutöluhækkanir – 17 þúsund kr. hækkun á öll mánaðarlaun 1. apríl 2019
 Lægstu laun hækka mest – 30% hækkun á lægstu taxta
 Aukið vinnustaðalýðræði með möguleika á verulegri styttingu vinnutímans (mestu breytingar í tæpa hálfa öld)
 Eingreiðsla upp á 26 þúsund kr. sem kemur til útborgunar í byrjun maí 2019
 Skilyrði sköpuð fyrir verulegri vaxtalækkun á samningstímanum
 Skattbyrði hinna tekjulægstu lækkar um 10 þúsund kr. á mánuði

Almenn hækkun á mánaðarlaun fyrir fullt starf
• 1. apríl 2019 17.000 kr. á mánuði
• 1. apríl 2020 18.000 kr.
• 1. janúar 2021 15.750 kr.
• 1. janúar 2022 17.250 kr.

Kauptaxtar hækka sérstaklega
1. apríl 2019 17.000 kr. á mánuði
1. apríl 2020 24.000 kr.
1. janúar 2021 24.000 kr.
1. janúar 2022 25.000 kr.

Á árunum 2020-2023 komi til framkvæmda launaauki að gefinni ákveðinni þróun á vergri landsframleiðslu á hvern íbúa.
Tenging við hagvöxt (hagvaxtarauki) tryggir launafólki hlutdeild í verðmætasköpuninni. Þetta ákvæði nýtist best þeim tekjulægri þar sem þessi hækkun fer af fullum þunga á taxtakaup og ¾ á önnur laun. Hagvaxtarauki getur hækkað taxtalaun um 3-13 þúsund á ári eftir því hvað verg landsframleiðsla á mann hækkar mikið á tímabilinu.
2,5% hækkun á aðra liði kjarasamninganna eins og bónusa 2020-2022.

Lágmarkstekjur fyrir fullt starf
• 1. apríl 2019 317.000 kr. á mánuði
• 1. apríl 2020 335.000 kr.
• 1. janúar 2021 351.000 kr.
• 1. janúar 2022 368.000 kr

Desemberuppót (var 89.000 kr. 2018)
2019 92.000 kr.
2020 94.000 kr.
2021 96.000 kr.
2022 98.000 kr.

Orlofsuppbót fyrir hvert orlofsár (var 48.000 kr. 2018)
• 1. maí 2019 50.000 kr.
• 1. maí 2020 51.000 kr.
• 1. maí 2021 52.000 kr.
• 1. maí 2022 53.000 kr.

Eingreiðslan kemur sem sérstakt álag á orlofsuppbót árið 2019 uppá 26.000 kr. sem greiðist eigi síðar en 2. maí 2019.
Forsendur kjarasamninganna eru eftirfarandi:

1. Kaupmáttur launa hafi aukist á samningstímabilinu skv. launavísitölu Hagstofu Íslands.
2. Vaxtir lækki verulega fram að endurskoðun samnings í september 2020 og haldist lágir út samningstímann.
3. Stjórnvöld standi við gefin fyrirheit skv. yfirlýsingum ríkisstjórnarinnar í tengslum við gerð kjarasamninganna.

Forsendur kjarasamninga verða metnar í september 2020 og september 2021. Forsendurnefnd verður skipuð þremur fulltrúum frá hvorum samningsaðila.

LÍFSKJARASAMNINGURINN 2019-2022