Category: Fréttir

Reiknivélar vegna breytinga á virðisaukaskatti og vörugjöldum

Breytingar á lögum um virðisaukaskatt og almenn vörugjöld tóku gildi um ármót og ættu neytendur nú þegar að sjá þess merki í verðlagi hjá verslunum og þjónustuaðilum. Mikilvægt er að neytendur séu vel á verði og sýni söluaðilum aðhald svo tilætlaðar breytingar skili sér eins og vænta má í breytingum á verðlagi.

Breytingarnar eru tvíþættar. Annars vegar breytingar á virðisaukaskatti sem nú þegar ættu að hafa haft áhrif á verðlag á vörum og þjónustu og hins vegar afnám almennra vörugjalda sem ætla má að skili sér að fullu á næstu vikum.

Hér að neðan (á heimasíðu ASÍ) er að finna dæmi um áhrif breytinganna á verðlag og reiknivélar þar sem neytendur geta áætlað áhrif breytinganna á verð á ýmsum vörum og þjónustu. Rétt er að taka fram að reiknivélarnar eru settar fram til viðmiðunar fyrir neytendur og gera ráð fyrir óbreyttri hlutfallslegri álagningu söluaðila. Í þeim tilvikum þar sem vörugjaldið er föst krónutala ss. á sykri og sætum matvörum ráðast breytingar af álagningu söluaðila hverju sinni en reiknivélin áætlar þau lágmarks áhrif sem ætla má að breytingarnar hafa á verðlag.

Hér má nálgast reiknivélar vegna breytinga á virðisaukaskatti og vörugjöldum.

 

Almennur virðisaukaskattur

Allflestar vörur og þjónusta bera almennan virðisaukaskatt sem lækkaði um áramót úr 25,5% í 24%. Verð lækkar um 1,2% vegna þessara breytinga. Hér má nefna vörur eins og föt og skó, lyf, húsgögn, húsbúnað, raftæki, áfengi, tóbak, snyrtivörur, tryggingar og þjónustu ýmsa þjónustu.

 

Neðra þrep virðisaukaskatts

Neðra þrep virðisaukaskattsins hækkaði um áramót úr 7% í 11% og hækkar verðlag vara í þessu þrepi um 3,7% vegna þessa. Helstu liðir í þessu skattþrepi eru matur og óáfengar drykkjarvörur, veitinga- og gistiþjónusta, bleiur, bækur, dagblöð, tímarit og geisladiskar, heitt vatn og raforka til húshitunar, afnotagjöld útvarps- og sjónvarpsstöðva og aðgangur að vegamannvirkjum (Hvalfjarðargöng).

 

Matvörur sem báru vörugjöld (sykurskatt)

Vörugjöld á sykur og sætar matvörur (sykurskattur) voru feld niður um ármót.  Áhrif breytinganna á verð einstakra vara ræðst af því hversu mikinn sykur/sætuefni þær innihalda en vörugjald er að jafnaði 210 krónur á hvert kíló sykurs sem vara inniheldur. Um er að ræða vörur eins og sykur, gosdrykki, ís, sultur, sætabrauð, sælgæti, sætar mjólkurvörur o.fl. Virðisaukaskattur af þessum vörum hækkar jafnframt úr 7% í 11%. Miða má við að þeim mun sætari sem varan er þeim mun þyngra vegur afnám vörugjaldsins í verðinu og þeim mun meira ætti varan að lækka í verði. Vörur sem innihalda hlutfallslega lítinn sykur kunna hins vegar að hækka þar sem hækkun virðisaukaskatts á matvörur vegur þyngra en afnám vörugjaldsins.

 

Stærri raftæki, bílavarahlutir og byggingavörur sem báru vörugjöld

Almenn vörugjöld sem lögð voru á stærri raf- og heimilistæki, ýmsar byggingavörur og bílavarahluti voru jafnframt feld niður að fullu um áramót auk þess sem virðisaukaskattur á þessum vöruflokkum lækkar úr 25,5% í 24%. Vörugjöld voru lögð á ýmist við innflutning eða hjá framleiðanda og voru hlutfallsleg. Hæst vörugjöld, 25% báru raftæki eins og sjónvörp, hljómflutningstæki og myndbandstæki en samspil niðurfellingar á vörugjöldum og lækkunar á virðisaukaskatti ætti að skila um 21% lækkun á þessum vörum. Ýmis stærri heimilistæki ss. þvottavélar, þurrkarar, eldavélar, kæliskápar og uppþvottavélar báru 20% vörugjöld og ættu breytingarnar að leiða til um 18% verðlækkunar á þessum vörum. Þá báru ýmsar byggingavörur eins og hreinlætistæki, gólfefni og flísar 15% vörugjöld sem og ýmsir bílavarahlutir og ætti verð á þessum vörum að lækka um 14% í kjölfar breytinganna.

 

 

Breytingar á lögum um vsk og vörugjöld

Um áramótin tóku gildi breytingar á lögum um virðisaukaskatt og vörugjöld sem hafa áhrif á verðlag á flestum vöru- og þjónustuliðum. Breytingar á vörugjöldum ættu að skila sér á næstu vikum en breytingarnar á virðisaukaskattinum hafa strax haft áhrif á verðlag. Neytendur eru eindregið hvattir til að fylgjast vel með breytingunum og hvernig þær skila sér út í verðlag.

 

Helstu breytingar eru eftirfarandi:

Almenna þrep virðisaukaskatts lækkar úr 25,5% í 24%  – lækkar verð um 1,2%

Dæmi um vörur og þjónustu í almenna þrep virðisaukaskatts

• Föt og skór
• Lyf
• Áfengi og tóbak
• Raforka til almennra nota
• Þjónusta iðnaðarmanna
• Húsgögn og húsbúnaður
• Búsáhöld
• Verkfæri
• Tölvur og prentara
• Símtæki
• Bílar
• Bílaviðgerðir
• Póst og símaþjónusta
• Tryggingar
• Hársnyrting
• Snyrtivörur
• Skartgripir og úr
• Hreinlætisvörur
• Flugfargjöld

Neðra þrep virðisaukaskatts hækkar úr 7% í 11% – Verð vara hækkar um 3,7%

Helstu vörur og þjónustuliðir í neðra þrepi virðisaukaskatts

• Mat- og óáfengar drykkjarvörur
• Bækur
• Dagblöð og tímarit
• Geisladiskar
• Heitt vatn
• Raforka til húshitunar
• Bleiur og smokkar
• Gistiþjónusta
• Veitingaþjónusta
• Afnotagjöld útvarps- og sjónvarpsstöðva
• Aðgangur að vegamannvirkjum – Hvalfjarðargöng

 

Almenn vörugjöld eru felld brott  

Almenn vörugjöld eru afnumin en þau vöru lögð á sykur og sætar mat- og drykkjarvörur, stærri raftæki, byggingarvörur og bílavarahluti.

Helstu breytingar á vörugjöldum eru eftirfarandi:

Sykur og sætar mat- og drykkjarvörur (sykurskattur)

Áhrif breytinganna á verð einstakra vara er misjafnt og fer eftir því hversu mikinn sykur/sætuefni þau innihalda en hvert kíló sykurs bar fyrir 1. janúar 210 króna vörugjald. Virðisaukaskattur á þessum vörum hækkar jafnframt úr 7% í 11%.

 

Dæmi um sætar mat og drykkjarvörur sem báru vörugjald (sykurskatt)

• Sykur, molasykur, púðursykur o.þ.h. – 210 kr/kg
  • Gosdrykkir – 21 kr/lítra
  • Ís – 32 kr/lítra
  • Sultur, grautar, ávaxtamauk – 210 kr/kg af viðbættum sykri
  • Kex og sætabrauð – 210 kr/kg af viðbættum sykri
  • Súkkulaði og sælgæti – 210 kr/kg af viðbættum sykri
  • Sætar mjólkurvöru – 210 kr/kg af viðbættum sykri
  • Sætt morgunkorn – 210 kr/kg af viðbættum sykri

 

Stærri raftæki sem bera 25% vörugjöld – lækka í verði um 21%

Virðisaukaskattur á þessum vörum lækkar jafnframt úr 25,5% í 24%

 

Dæmi um vörur sem báru 25% vörugjald

• Sjónvörp
  • Útvörp, hljómflutningstæki og hátalarar
  • Myndbandstæki
  • Heimabíókerfi

 

Stærri raftæki sem bera 20% vörugjöld – lækka í verði um 18%

Virðisaukaskattur á þessum vörum lækkar jafnframt úr 25,5% í 24%

 

Dæmi um vörur sem báru 20% vörugjald

• Þvottavélar
  • Þurrkarar
  • Eldavélar, helluborð og ofnar
  • Kæliskápar
  • Frystiskápar- og kistur
  • Uppþvottavélar
  • Örbylgjuofnar

 

Byggingavörur og bílavarahlutir sem báru 15% vörugjöld – lækka í verði um 14%

Virðisaukaskattur á þessum vörum lækkar jafnframt úr 25,5% í 24%

Dæmi um vörur sem báru 15 % vörugjald

• Vaskar, baðker, sturtuklefar, salernisskálar
  • Blöndunartæki
  • Gólfefni
  • Flísar
  • Veggfóður
  • Gipsplötur, þiljur
  • Lampar og ljósabúnaður
  • Rafgeymar
  • Stuðarar
  • Gírkassar
  • Vatnskassar
  • Baksýnisspeglar

Upplýsingar um breytingar teknar af heimasíðu ASÍ.

Persónufrádráttur hækkar

Nú um áramót taka breytingar á skattalögum gildi eins og flestum mun kunnugt um.

Ein breytingin er að persónufrádráttur hækkar um 0,8%. Hann verður samtals kr. 610,825  á ári, úr kr. 50.496 í 50.902 á mánuði.

Það þýðir að skattleysismörk hækka að sama skapi, úr kr.135.330 á mánuði í kr. 142,153

Upplýsingar hér neðar og til hliðar á síðunni hafa verið uppfærðar miðað við þessar breytingar.

Opnunartími skrifstofunnar

Þjónustuskrifstofa stéttarfélaganna á Suðurlandi verður lokuð á aðfangadag og gamlársdag. Skrifstofan  verður opin mánudaginn 29. desember og þriðjudaginn 30. desember .  Við opnum eftir áramót þann 2. janúar kl.8.00..  Báran, stéttarfélag sendir félagsmönnum og fjölskyldum þeirra jóla og hátíðarkveðjur.