Category: Fréttir

Þann 20. ágúst sl. féll úrskurður í kærunefnd jafnréttismála sem úrskurðaði um rétt maka barnshafandi kvenna til ráðningarverndar.

Forsaga málsins er að til Bárunnar, stéttarfélags leitaði félagsmaður sem starfaði hjá Grímsborgum ehf. Hann hafði starfaði hjá fyrirtækinu frá árinu 2019 og var sagt upp störfum í lok ágúst 2022.  Í uppsagnarbréfinu voru ástæður uppsagnarinnar sagðar skipulagsbreytingar og mikil fækkun bókana á hótelinu. Sambýliskona kæranda, sem var þunguð þegar kæranda var sagt upp störfum, starfaði á sama tíma á hótelinu.

Félagsmaður Bárunnar hélt því fram að uppsögn hans úr starfi hjá kærða þegar sambýliskona hans var barnshafandi fæli í sér brot gegn lögum um jafna stöðu og jafnan rétt kynjanna og lögum um jafna meðferð á vinnumarkaði.

Hann tók því fram að honum og sambýliskonu hans, sem starfaði einnig hjá kærða, hafi verið tjáð að raunveruleg ástæða uppsagnarinnar hafi verið sú að sambýliskonan hafi verið barnshafandi en að kærði gæti ekki sagt henni upp störfum þar sem hún nyti ráðningarverndar á meðan hún væri þunguð.

Niðurstaða nefndarinnar var að Grímsborgir gátu sýnt fram á með ítarlegum gögnum um það væri fyrirsjáanlega samdráttur í rekstri. Var það sett í samhengi við uppsögn nokkurra  annarra starfsmanna og þá ákvörðun að endurnýja ekki ráðningarsamninga stóran hóp af öðrum starfsmönnum til viðbótar. Mál hans tapaðist því fyrir nefndinni.

Hins vegar felur úrskurðurinn í sér þær stóru fréttir að nefndin staðfestir að 19. grein jafnréttislaga taki jafnt til beggja foreldra. Úrskurðurinn staðfestir því að óheimilt er að láta aðstæður tengdar meðgöngu eða barnsburði hafa neikvæð áhrif á ákvarðanir á borð við uppsagnir á verðandi foreldrum og staðfest að ákvæðið er víðtækara en ráðningarverndarákvæðið í fæðingarorlofslögum.

Í hnotskurn þarf atvinnurekandi að geta sýnt fram á að uppsögn verðandi föður byggi ekki á ástæðum tengdum barnsburði eða meðgöngu maka hans.

Félagið keypti fyrr á árinu stórglæsilega íbúð að Borgartúni 24A, íbúð 309 og er hægt að leigja hana frá og með föstudaginn 13. september næstkomandi.
Frá og með deginum í dag er hægt að leigja hana út, hún verður í sveigjanlegri leigu, fyrstur kemur fyrstur fær.

Stök Nótt: 8.000.-
Helgarleiga: 20.000.-
Vikuleiga: 28.000.-
Bæta við sólahring: 5.500.-

Við óskum Félagsmönnum til hamingju með nýju eignina og þökkum öllum þeim sem komu að því að standsetja hana.

Myndir eru hér fyrir neðan

Nýr orlofsvefur Bárunnar er kominn í loftið.
Betra viðmót og aðgengilegri upplýsingar tekur nú á móti félagsmönnum.

Nýr Orlofshúsavefur

Í næstu viku bætast svo "Mínar Síður" inná þann vef sem verður þar með kallaður "Félagsmannavefur"

Við munum birta frekari leiðbeiningar og upplýsingar um allt sem þar er uppá að bjóða þegar hann er kominn upp.

Báran mun taka í gagnið nýjan og endurbættan innri vef fyrir félagsmenn. Til þess þarf að loka Mínum síðum og Orlofsvef félagsins frá hádeigi þriðjudaginn 27. ágúst.

Nýr vefur opnar svo fimmtudaginn 29. ágúst með stórbættu viðmóti fyrir félagsmenn.

Ekki verður hægt að sækja um styrki né leigja sumarhús á meðan.

Lokað verður á skrifstofu félagsins dagana 29. júlí til 5. ágúst næstkomandi

Við hvetjum fólk til þess að nýta heimasíðu okkar www.baran.is, þar sem hægt er að nálgast allar helstu upplýsingar ásamt því að sækja um styrki og orlofshús.

Sendið okkur póst á baran@baran.is fyrir önnur erindi og þeim verður svarað eins fljótt og auðið er eftir lokun.

Landsvirkjun og SGS hafa skrifað undir nýjan kjarasamning. Gildistími samningsins er frá 1. febrúar 2024 til 1. febrúar 2028 og fellur hann þá úr gildi án sérstakrar uppsagnar. Hann felur í sér breytingar og viðbætur við kjarasamning Landsvirkjunar og Starfsgreinasambands Íslands.

Báran, stéttarfélag á aðild að samningnum og er með félagsmenn sem starfa hjá Landsvirkjun.

Hér í þessari frétt er allt efni um nýja kjarasamninginn, einnig er hægt að hafa samband við skrifstofu í síma 480-5000 eða senda póst á baran@baran.is ef það eru spurningar.

Við hvetjum alla þá félagsmenn sem um ræðir að nýta kosningarétt sinn. 

Kosning stendur yfir frá klukkan 12:00 þann 28.Júní til 8.júlí næstkomandi.

Lokað verður á skrifstofu Bárunnar vikuna fyrir verslunarmannahelgi eða 29. Júlí – 2. Ágúst vegna sumarleyfa. Af því gefnu verðum við að breyta dagsetningum á styrkjum úr sjóðum félagsins.

Menntastyrkir

Menntastyrkir sem eru vanalega greiddir 15. hvers mánaðar verða greiddir 5. júlí næstkomandi. Skilafrestur gagna verður því mánudagurinn 1. júlí. Þá verður næst greitt út þann 15. Ágúst eftir það.

Heilsu- og forvarnarstyrkir

Verða greiddir út eftirfarandi dagsetningar:

Föstudaginn 21. júní

Föstudaginn 5. júlí

Föstudaginn 26.Júlí

Föstudaginn 16. Ágúst

Þar á eftir annan hvern föstudag eins og vant er.

Sjúkradagpeningar

Verða greiddir eins og vanalega en það verður breyttur skilafrestur gagna í júlí.
Hann verður 22. Júlí í stað 25. Júlí. Mikilvægt er að öllum gögnum sé skilað fyrir miðnætti 22. Júlí.

Sumarkveðjur

Starfsfólk Bárunnar

Aðalfundur Bárunnar var haldinn í Tryggvaskála á Selfossi miðvikudaginn 15.maí
Fundarstjóri var Soffía Sigurðardóttir og fundarritari var Fjóla Pétursdóttir.

Halldóra Sigríður Sveinsdóttir, formaður fór yfir skýrslu stjórnar. Helstu atriði starfsársins 2023 - 2024 voru lesin yfir og er hægt að segja að árið hafi verið viðburðaríkt.

Því næst fór Valgerður Kjartansdóttir endurskoðandi félagsins yfir ársreikning félagsins.

Þá var komið að kosningi stjórnar og í aðrar nefndir en tillaga uppstillingarnefndar var samþykkt þar sem ekki bárust aðrar tillögur.

Arndís Soffía Sigurðardóttir kom og kynnti fyrir okkur verkefnið Öruggara Suðurland.

Við þökkum öllum þeim sem mættu á fundinn og komu að honum kærlega fyrir.

Samþykkt var á aðalfundi að breyta reglugerð sjúkrasjóðs en breytingarnar snéru aðallega að því að færa hana nær nútímanum eftir mikla tæknivæðingu félagsins undanfarin ár.

Einnig var sett inn ný grein vegna samþykktar Alþýðusambandsins um réttindaflutning á milli aðildarfélaga.

Þetta er gert til þess að tryggja rétt fólks þegar það skiptir um félag. Við fögnum þessu og hlökkum til að útfæra þetta á skilvirkan máta.

Stjórn sjúkrasjóðs samþykkti einnig  breytingar á úthlutunarreglum sjóðsins sem að tók gildi þann 1.júní síðastliðinn. Breytingarnar eru annarsvegar það sama og var gert í reglugerð sjúkrasjóðs. En einnig bætt við þau gögn sem þarf að skila

“ Til viðbótar þarf að skila staðfestingu á greiðslu reiknings t.d. úr íslenskum heimabanka eða greiðslukvittun frá viðkomandi fyrirtæki. Reikningur má ekki vera eldri en 12 mánaða.“

Báran, stéttarfélag hefur fest kaup á þrem nýjum eignum undanfarið og þar með stórbætt framboð af orlofshúsakostum félagsmanna til muna.

Glæný íbúð í Borgartúni 24 er að verða klár, glæsileg íbúð á frábærum stað sem kemur í leigu á næstu vikum. Tvö sumarhús í Grímsnesi sem má segja að séu í lúxusflokki, og kemur annað þeirra í leigu á næstu vikum og hitt í ágúst. Auglýst verður sérstaklega þegar þau verða komin inn á orlofsvef Bárunnar.

Leiguverð á orlofshúsakostum Bárunnar er með því lægsta sem þekkist en ákveðið var að hækka lítilega leiguna. Hækkunin tekur gildi 1. september. En búið er að opna fyrir september.

Orlofshúsavefur

Sumarkveðjur

Starfsfólk Bárunnar