Föstudaginn 26. maí nk. kl. 14.00 verður opnuð ljósmyndasýning ASÍ í húsnæði stéttarfélaganna að Austurvegi 56, Selfossi. Veitingar í boði.
Á sýningunni sem kemur frá Þjóðminjasafni Íslands eru ljósmyndir sem veita innsýn í starfsemi Alþýðusambandsins sem fagnaði 100 ára afmæli sínu á síðasta ári. Ljósmyndirnar segja sögu þess fólks sem myndaði hreyfinguna og vakin er athygli á kjörum þess og kjarabaráttu, aðbúnaði á vinnustöðum og vinnuumhverfi.
Við viljum minna á félagsfund Bárunnar sem haldinn verður í kvöld að Austurvegi 56, Selfossi.
Orlofsuppbót á að greiðast þann 1. júní ár hvert. Full uppbót árið 2017 er kr. 46.500. Þeir sem hafa verið í fullu starfi á orlofsárinu 1. maí – 30. apríl hvert ár, eiga rétt á fullri uppbót annars greiðist hún í samræmi við starfshlutfall og starfstíma. Orlofsuppbót er föst fjárhæð og orlof reiknast ekki ofan á orlofsuppbótina. Rétt er að geta þess að orlofsuppbót skv. kjarasamningi SGS við Launanefnd sveitarfélaganna greiðist 1. maí ár hver.
Nánari upplýsingar má nálgast í kjarasamningum félagsins á heimasíðunni.
Þann 1. maí sl. tóku gildi nýir kauptaxtar fyrir þá sem starfa á almenna markaðinum eftir samningi SGS og SA. Gildistími þeirra er frá 1. maí 2017 til 30. apríl 2018.
Almenn hækkun er 4,5%
Almennur félagsfundur Bárunnar verður haldinn að Austurvegi 56, Selfossi, 3. hæð þann 15. maí kl. 18.00.
Dagsskrá
Kristín Á. Guðmundsdóttir var annar ræðumaður dagsins á baráttufundi sem haldinn var á Hótel Selfossi fyrr í dag. Fram kom hjá henni hörð gagnrýni á einkavæðingu á heilbrigðiskerfinu. Einkarekin heilbrigðisþjónusta er mótuð af einstaklingshyggju sem gengur eingöngu út á að græða veikindum fólks.
Þrátt fyrir rigningu og rok tóku tæplega 100 manns þátt í kröfugöngu dagsins á Selfossi en gengið var frá húsnæði stéttarfélaganna að Hótel Selfossi þar sem boðið var upp á fjölbreytta dagskrá og kaffiveitingar í boði stéttarfélaganna.
Um 300 manns mættu á Hótel Selfossi þar sem dagsskráin fór fram. Kristín Á. Guðmundsdóttir formaður Sjúkraliðafélag Íslands og Freydís Ösp Leifsdóttir nemi voru ræðumenn dagsins Karitas Harpa söng nokkur lög. Leikhópur Menntaskólans á Laugarvatni sýndi atriði úr Konungi ljónanna.
Þann 11. apríl sl. var undirritaður nýr samningur við Mjólkursamsöluna vegna verkafólks og bílstjóra í fjórum aðildarfélögum Starfsgreinasambandsins: Bárunnar stéttarfélags, Stéttarfélagi Vesturlands, AFLi starfsgreinafélagi og Einingu-Iðju. Samningurinn snertir því þá sem starfa utan höfuðborgarsvæðisins og eru félagar í SGS.
Uppstillingarnefnd Bárunnar, stéttarfélags fundaði sl. miðvikudag og samþykkti eftirfarandi tillögu til kjörs vegna aðalfundar félagsins 2017. Annar varamaður Skoðunarmanna reikninga var samþykktur daginn eftir.
Fyrr í mánuðinum var haldið nýtt námskeið fyrir trúnaðarmenn á vinnustöðum sem heitir Verkstæðisvinna. Námskeiðið var haldið í samstarfi við Félagsmálaskóla alþýðu.