Author: Þórarinn

Páskafundur trúnaðarmanna

Páskafundur trúnaðarmanna Bárunnar var haldinn 28.03.2023 í vinnustofu Bankans.

Mætingin var mjög góð og var dagskráin frá 13:00 til 19:00.

Halldór Oddsson lögfræðingur ASÍ fór yfir nýliðnar kjaradeilur sem var mjög áhugavert. Kom hann með nokkur dómafordæmi varðandi verkföll og miðlunartillögur og fleira skemmtilegt. Næst kom svo Guðrún Margrét Guðmundsdóttir sem er sérfræðingur ASÍ í málefnum innflytjenda og í jafnréttismálum. Hún var með mjög svo áhugaverðan fyrirlestur um jafréttisbaráttuna og stöðu kvenna á vinnumarkaði. Ákveðið var að breyta til og fá atvinnurekanda til að fara yfir vinnutímastyttinguna og kom Bergsteinn forstjóri Set og fór yfir útfærslu þeirra á vinnutímastyttingunni sem hefur vakið mikla lukku meðal starfsmanna og því ber að fagna. Þór Hreinsson skrifstofustjóri Bárunnar og Fjóla Pétursdóttir lögfræðingur fóru yfir helstu fyrirspurnir og þau mál sem koma inn á borð Bárunnar og var áhugavert að sjá hvaða mál það voru og hvernig unnið er að þeim. Halldóra formaður fór svo yfir stöðuna í kjaramálum en nú eru ríki og sveitarfélög í samningslotum og fór hún yfir stöðuna þar og einnig yfir sögu Bárunnar. Loks fór hún Marta okkar yfir námsstyrkina og orlofskosti Bárunnar. Miklar og skemmtilegart umræður sköpuðust og má með sanni segja að dagurinn hafi heppnast mjög vel. Allir voru svo leystir út með páskaeggi.

 

Báran leggur mikið uppúr því að vera í góðum tengslum við trúnaðarmenn félagsins og er þessi fundur partur af því. Hann er haldinn árlega ásamt jólafundinum og þykir okkur ákaflega vænt um þessa hefð og hvetjum við ávallt alla okkar trúnaðarmenn að mæta á þessa fundi og mynda góða tengingu og njóta góðrar fræðslu.

 

Tillaga Uppstillingarnefndar til aðalfundar Bárunnar, stéttarfélags 15. maí 2023

Uppstillingarnefnd Bárunnar, stéttarfélags hefur sent frá sér tillögu að lista samkvæmt lögum sem samþykkt voru á aðalfundi 2017. Nefndin leggur fram tillögu til lista til stjórnar og nefnda Bárunnar. Listi uppstillingarnefndar liggur frammi til tilkynningar hjá Bárunni, stéttarfélagi á Austurvegi 56, Selfossi, frá og með föstudeginum 31. mars 2023.

Á aðalfundi Bárunnar 2023 skal kosið í stjórn um varaformann og þrjá meðstjórnendur og þrjá í varastjórn. Úthlutunarnefnd vinnudeilasjóðs (3 aðalmenn og 2 varamenn), uppstillingarnefnd (3 aðalmenn og 1 varamann), kjörstjórn (2 aðalskoðunarmenn og 1 varamaður). Siðanefnd (3 aðalmenn og 2 varamenn).

Frestur til að bjóða sig fram eða bera fram aðrar tillögur til uppstillingarnefndar er til og með 30. apríl 2023.

 

Niðurstaða fundar uppstillingarnefndar haldinn miðvikudaginn 15. mars 2023

 

Tillaga Uppstillingarnefndar til aðalfundar Bárunnar, stéttarfélags 15. maí 2023

 

 

Stjórn og nefndir Bárunnar, stéttarfélags fyrir aðalfund 2023

 

Varaformaður (annað hvert ár)

Örn Bragi Tryggvason

Meðstjórendur (annað hvert ár)

Ingvar Garðarsson

Magnús Ragnar Magnússon

Helga Sigríður Flosadóttir

Varastjórn (kosið á hverju ári)

Hildur Guðjónsdóttir

Sylwia Konieczna

Hugborg Guðmundsdóttir

 

Úthlutunarnefnd vinnudeilusjóðs: (fyrir hvern aðalfund)

Halldóra Sigr. Sveinsdóttir

Sigrún Sigurðardóttir

Sylwia Katarzyna Konieczna

Til vara:

Jóhanna Guðmundsdóttir

Alexander Örn Ingason

 

Kjörstjórn, Bárunnar stéttarfélags (fyrir hvern aðalfund)

Bryndís Rósantsdóttir

Jóhannes Sigurðsson

Til vara:

Egill Valdimarsson

Halldóra Sigr. Sveinsdóttir

 

Uppstillingarnefnd, Bárunnar stéttarfélags (fyrir hvern aðalfund)

Kristín Sigfúsdóttir

Sigrún Sigurðardóttir

Jóhanna Guðmundsdóttir

Til vara:

Heiðar Már Guðnason

 

Skoðunarmenn reikninga:

Þorleifur Sívertsen

Soffía Sigurðardóttir

Til vara:

Mateuz Michal Kuc

 

Siðanefnd (annað hvert ár, 2023)

Oddur Ástráðsson formaður

Kristín Sigfúsdóttir

Egill Valdimarsson

Til vara:

Sigurlaug Ósk Reimarsdóttir

Heiðar Már Guðnason

 

 

 

 

 

Launahlutfall í hagkerfinu lækkaði á síðasta ári

Mjög áhugaverð grein frá ASÍ um launahlutfall á síðasta ári

Hægt er lesa greinina með að smella hér

Hefur þú áhuga að vinna hjá Bárunni, stéttarfélagi?

Við hjá Bárunni, stéttarfélagi erum að leita að manneskju í 100% starf.

Hefur þú áhuga?

 

Staða launafólks á Íslandi – Taktu þátt í könnun

Kæru félagar

 

English and polish below

 

Nú þurfum við hjá Báran, stéttarfélag á ykkar hjálp að halda. Við viljum biðja ykkur að taka þátt í könnun um stöðu ykkar. Það tekur stuttan tíma og allir sem vilja komast í pott og geta unnið 40.000 króna gjafakort.

 

Könnunin er á vegum Vörðu – Rannsóknastofnunar vinnumarkaðarins og er nú lögð fyrir þriðja árið í röð. Könnunin er mikilvægur liður í upplýsingaöflun um stöðuna á vinnumarkaði, sér í lagi varðandi fjárhagsstöðu og heilsu. Niðurstöður hennar munu hjálpa okkur við að greina stöðu launafólks á Íslandi og berjast fyrir betri lífsskilyrðum.

 

Það tekur aðeins um 15 mínútur að svara könnuninni og ekki er hægt að rekja svör til einstaklinga. Spurt er um fjárhagsstöðu, líðan, heilsufar, kulnun og réttindabrot á vinnumarkaði.

 

Könnunina má nálgast á mínum síðum

 

Framkvæmd könnunarinnar er alfarið í höndum Vörðu, sem sér um hönnun spurninga, uppsetningu, framkvæmd og úrvinnslu á niðurstöðum.

• Könnunin verður opin í tvær vikur og hægt er að svara henni í síma, spjaldtölvu eða tölvu.
• Könnunin er á þremur tungumálum, íslensku, ensku og pólsku.
• Þrír þátttakendur vinna 40.000 kr. gjafakort fyrir þátttökuna.
• Könnunin opnar fimmtudaginn 9. febrúar og verður lokað miðvikudaginn 22. febrúar.
• Könnunin er ópersónurekjanleg. Happadrætti sem þátttakendum gefst kostur á að taka þátt í er á öðrum hlekk og ekki hægt að rekja saman svör í könnuninni við þátttöku í happadrættinu.

 

Við hvetjum allt félagsfólk til að taka þátt í könnuninni, enda afar mikilvægt að fá sjónarmið sem flestra til að niðurstöðurnar nýtist sem best við að móta og styðja við kröfur verkalýðshreyfingarinnar.

 

 

Dear members.

 

We at Báran, stéttarfélag need your help. We would like to ask you to participate in a short survey about your current situation. It will not take much of your time, and everyone who participates gets a chance to win a 40,000 ISK gift card.

 

The survey is conducted by Varða – Labour Market Research Institute, now for the third year in a row. The survey provides important information about the current situation in the labour market, especially regarding financial standing and health. The survey outcome will help us analyse the current situation among workers in Iceland, and help us fight for better living standards.

 

It only takes about 15 minutes to answer. The questions relate to your financial situation, health, burnout, and wage theft.

 

The survey is available on my pages

 

Varða manages all aspects of this survey, from designing the questions, setting up and conducting the survey, and Varða will also process the results from the survey.

• The survey will be open for two weeks and can be completed through a mobile, a tablet or a computer.
• The survey is available in three languages; Icelandic, English and Polish.
• Three participants will win a 40,000 ISK gift card.
• The survey opens on Thursday, 9 February, and will close on Wednesday, 22 February.
• The survey is non-personally identifiable. Participants are invited to participate in a lottery through a separate link, and answers to the survey questions cannot be linked to participation in the lottery.

 

We encourage all our members to participate in the survey. Your input will help provide a broad outcome which will help us shape and support the labour movement’s cause.

 

Drodzy Członkowie,

 

w Báran, stéttarfélag potrzebujemy Waszej pomocy. Prosimy Was o udział w ankiecie dotyczącej Waszej sytuacji. Jej wypełnienie nie potrwa długo, a wszyscy uczestnicy zyskują możliwość wygrania bonu w wysokości 40 000 koron.

 

Ankieta została opracowana przez Varða – Instytut Badań Rynku Pracy – i obecnie jest przeprowadzana trzeci rok z rzędu. Stanowi istotny wkład w gromadzenie informacji o sytuacji na rynku pracy, szczególnie pod względem finansów oraz zdrowia. Jej wyniki pomogą nam przeanalizować sytuację pracowników w Islandii oraz walczyć o lepsze warunki do życia.

 

Wypełnienie kwestionariusza zajmie zaledwie ok. 15 minut. Pytania dotyczą sytuacji finansowej, samopoczucia, stanu zdrowia, wypalenia zawodowego oraz łamania praw na rynku pracy.

 

Ankieta jest dostępna na moich stronach

 

Przeprowadzeniem ankiety zajmuje się w całości Instytut Varða, który jest odpowiedzialny za ułożenie pytań, skład, realizację oraz przetworzenie odpowiedzi.

• Ankieta zostanie udostępniona na dwa tygodnie, a odpowiedzi będzie można udzielać przez telefon, tablet lub komputer.
• Kwestionariusz będzie można wypełnić w trzech językach: islandzkim, angielskim i polskim.
• Trzech uczestników otrzyma bon w wysokości 40 000 kr.
• Ankieta będzie dostępna od czwartku 9 lutego do środy 22 lutego.

 

Zachęcamy wszystkich członków związku do wzięcia udziału w ankiecie, ponieważ bardzo istotne jest uzyskanie opinii jak największej liczby osób, aby jak najlepiej wykorzystać wyniki do sformułowania i wsparcia żądań związków zawodowych.

Ályktun miðstjórnar ASÍ um orðræðu í kjaraviðræðum.

Vegna félagsmannasjóðs

Til félagsmanna Bárunnar, stéttarfélags sem starfa hjá sveitarfélögum.

Nú hafa stéttarfélögin tekið yfir umsýslu greiðslna úr félagsmannasjóði. Þeirri vinnu lýkur á allra næstu dögum og stefnum við að því að greiða út 10. febrúar.

Við hvetjum félagsmenn okkar hjá sveitarfélögunum að uppfæra bankaupplýsingar á mínum síðum á heimasíðu Bárunnar. www.baran.is

 

Við biðjumst velvirðingar á þessum töfum.

 

Kveðja, Báran Stéttarfélag.

Ný launatafla starfsfólks sveitarfélaga

Nýu launatafla sveitarfélaganna tók gildi þann 1. janúar 2023 og gildir hún til 30. september 2023

Samkvæmt töflunni er hækkunin að lágmarki 35.000kr

Smelltu hér til að skoða nýja launatöflu

Greiðslur úr félagsmannasjóð

Kæri félagsmaður,

Í síðasta kjarasamningi við sveitarfélögin var samið um og stofnaður sérstakur félagsmannasjóður. Atvinnurekandi greiðir mánaðarlegt framlag í sjóðinn sem nemur 1,5% af heildarlaunum félagsmanna og verður greitt úr sjóðnum 1. febrúar ár hvert. Grein 13.8 í samningi Starfsgreinasambands Íslands og Sambands íslenskra sveitarfélaga fjallar um félagsmannasjóðinn.

Frá því sjóðurinn var stofnaður hefur Starfsgreinasambandið haldið utan um starfsemi sjóðsins og greiðslur félagsmanna því farið til sambandsins. Sambandið hefur einnig séð um að greiða úr sjóðnum ár hvert. Ákveðið var í byrjun september að  Starfsgreinasambandið hætti að sjá um þetta og að hvert félag eigi að sjá um sjóðinn fyrir sína félagsmenn. Því mun Báran, stéttarfélag sjá um þessar greiðslur til sinna félagsmanna.

 

Til að hægt sé að greiða úr sjóðnum biðjum við þig að skrá þig inn á ,,mínar síður“ á heimasíðu Bárunnar.

Þar á forsíðunni sérðu flipa sem heitir ,,skoða mínar upplýsingar“ þú smellir á hann og uppfærir þær upplýsingar sem þar koma fram.

Bankaupplýsingar þurfa að vera réttar ásamt netfangi og símanúmeri.

 

Raunfærnimat sjúkraliða í febrúar