Category: Fréttir

WOW AIR FLUGMIÐAR – ENDURGREIÐSLA GJAFABRÉFA

Félagsmenn Bárunnar, stéttarfélags.

 

Eins og flestir vita er WOW-air nú komið í gjaldþrot. Félagsmenn Bárunnar, stéttarfélags hafa getað keypt flugmiða á orlofsvef félagsins. Varðandi stöðu þeirra sem keypt hafa miða í gegnum orlofsvefinn er félagið að kanna hvernig verður með þá miða og hvort einhverrar endurgreiðslu er að vænta. Staðan er óljós, félagið er milligönguaðili um miðana en ekki beint seljandi miðanna. Stjórn félagsins á eftir að fara yfir stöðuna á næstu dögum og í framhaldi verða félagsmenn upplýstir um niðurstöðuna.

 

F.h. Bárunnar, stéttarfélags

Halldóra Sigr. Sveinsdóttir formaður.

Vegna aðalfundar 2019

Uppstillingarnefnd Bárunnar, stéttarfélags hefur sent frá sér tillögu að lista samkvæmt lögum sem samþykkt voru á aðalfundi 2017. Nefndin leggur fram tillögu að lista til stjórnar og nefnda Bárunnar. Listi uppstillingarnefndar liggur frammi til kynningar hjá Bárunni, stéttarfélagi á Austurvegi 56, Selfossi og á heimasíðu félagsins frá og með föstudeginum 29. mars 2019.

Á aðalfundi Bárunnar 2019 skal kosið um varaformann og þrjá meðstjórnendur.

Úthlutunarnefnd vinnudeilusjóðs (3 aðalmenn og 2 varamenn), uppstillingarnefnd (3 aðalmenn og 1 varamann), kjörstjórn (2 aðalmenn og 2 varamenn) og um skoðunarmenn reikninga (2 aðalskoðunarmenn og 2 varamenn), siðanefnd (2 aðalmenn og 2 varamenn).

Frestur til að bjóða sig fram eða bera fram aðrar tillögur til uppstillingarnefndar er til og með 30. apríl 2019.

Uppstillingarnefnd Bárunnar, stéttarfélags

 

Sjá einnig:

Listi uppstillingarnefndar

Lægstu verðin á páskaeggjum hjá Bónus

Lægstu verðin á páskaeggjum hjá Bónus en þau hæstu í Super 1 og Iceland

Allt að 67% verðmunur var á páskaeggjum mill verlsana í verðkönnun sem verðlagseftirlit ASÍ framkvæmdi 11. apríl. Munurinn á hæsta og lægsta verði nam oft mörg hundruð krónum og mest 1.400 krónum á einu og sama páskaegginu. Bónus var oftast með lægstu verðin á páskaeggjum eða í 28 af 30 tilfellum. Super 1 var oftast með hæstu verðin eða í 13 tilfellum af 30 en Iceland fylgir fast á eftir með hæstu verðin í 11 tilfellum. Lítið úrval var af páskaeggjum í Kjörbúðinni en einugnis 7 páskaegg af 30 voru fáanleg í búðinni. Engin páskaegg voru til í Costco.

Verð á matvöru sem er líkleg til að rata á borð landsmanna yfir páskana var einnig skoðað en mikill verðmunur reyndist í mörgum matvöruflokkum, þá sérstaklega á kjöti, grænmeti og ávöxtum en einnig á þurrvöru og drykkjarvörum. Þannig var allt að 170% verðmunur á nautgripahakki, 140% verðmunur á hamborgarahrygg, 180% verðmunur á jarðaberjum og 152% verðmunur á sætum kartöflum. 80% verðmunur var á fjölskylduís frá Kjörís, 77% verðmunur á appelsíni, 57% verðmunur á snakki og 65% verðmunur á Cheeriosi.

Getur munað mörg þúsund krónum á páskainnkaupunum eftir því hvar er verslað Verðmunurinn á páskaeggjum í könnuninni er mikill og ef verðmunurinn á páskamat er tekinn með í reikninginn er ljóst að spara má háar fjárhæðir í innkaupum fyrir páska með því að versla þar sem verð er lágt.

Af páskaeggjum var verðmunurinn mestur á litlum rís páskaeggjum frá Freyju, fjórum saman í pakka eða 67% en lægst var verðið í Bónus, 359 kr. en hæst í Hagkaup 599 kr. Í krónum talið var verðmunurinn mestur á Nóa Siríus risa páskaeggi, 1.401 kr. eða 25%. Lægst var verðið í Bónus 5.598 kr. en hæst var verðið 6.999 kr. í Super 1. Þá var 28% munur á hæsta og lægsta verði á Nóa Siríus eggi nr.7. Lægst var verðið í Bónus, 3.579 kr. en hæst, 4.599 kr. í Super 1 en það gerir 1.020 kr. verðmun.

Allt að 170% verðmunur á kjöti
Mikill verðmunur var á matvöru en í 45 tilfellum af 117 var verðmunurinn yfir 41% en í 27 tilfellum yfir 60%. Þar má nefna 170% verðmun á nautgripahakki sem kostaði minnst 853 kr. í Super 1 á tilboði en mest 2.999 kr. í Hagkaup og nemur verðmunurinn því 1.446 kr. Hamborgarahryggur með beini var 140% dýrari í Fjarðarkaup þar sem verðið var hæst, 2.398 kr. en í Nettó þar sem verðið var lægst, 999 kr. en það gerir 1.399 kr. verðmun. Þá var kílóverðið af frosnu lambalæri 120% hærra í Hagkaup þar sem það kostaði 2.199 kr. en í Bónus þar sem það var á 998 kr.

Mikill verðmunur var á ís milli verslana en sem dæmi má nefna kostuðu 2l af fjölskylduís m. súkkulaði frá Kjörís minnst í Nettó og í Kjörbúðinni, 598 kr. en mest í Hagkaup, 1.079 kr. sem gerir 80% eða 481 kr. verðmun. Þá var 180 % verðmunur á jarðaberjum sem kostuðu minnst, 998 kr. kg í Bónus en mest 2.796 kr. kg í Iceland og gerir það 1.798 kr. verðmun.

Sjá öll verð í meðfylgjandi töflu

Bónus var oftast með lægsta verðið í könnuninni eða í 69 tilfellum af 117 en Iceland oftast með það hæsta eða í 48 tilfellum.

Um könnunina
Í könnuninni var hilluverð á 117 vörum skráð niður en það er það verð sem neytandinn hefur upplýsingar um þegar hann ákveður hvort hann ætli að kaupa viðkomandi vöru. Ef að afsláttur er tekinn fram á hillu er hann tekinn til greina.

Könnunin var framkvæmd á sama tíma í öllum verslunum en þær eru: Bónus Smáratorgi, Krónan Granda, Nettó Granda, Super 1 Faxafeni, Fjarðarkaup, Hagkaup Skeifan, Iceland Engihjalla og Costco. Í könnuninni er einungis gerður samanburður á verði en ekkert mat er lagt á gæði eða þjónustu viðkomandi verslana.

Óheimilt er að vitna í könnunina í auglýsingum og við sölu nema með heimild ASÍ.

 

 

Oświadczenie zwiazków zawodowych Báran

Związki zawodowe Báran w pełni popierają działania strajkowe przeprowadzane przez związki zawodowe Efling.
Báran i Efling dzielą ze sobą obszar związkowy Grímsnes i Grafningshreppur dot. tej samej umowy zbiorowej , dlatego Báran apeluje do swoich związkowców aby ani w sposób pośredni lub bezpośredni nie podejmowali pracy za pracowników/związkowców należacych do Eflingu w czasie strajku.

Yfirlýsing frá Bárunni

Báran stéttarfélag lýsir yfir fullum stuðningi við tímabundna vinnustöðvun félagsmanna Eflingar.​ Báran og Efling deila félagssvæði á þessu samningssviði í Grímsnes  og Grafningshreppi og Báran beinir því þeim tilmælum til félagsmanna sinna að ganga hvorki beint né óbeint í störf félagsmanna Eflingar meðan á vinnustöðvun stendur.

Yfirlýsing frá  Samninganefnd Starfsgreinasambandi Íslands

 

Í tilefni af fréttum fjölmiðla þess efnis að Framsýn stéttarfélag hefur ákveðið að afturkalla samningsumboð sitt frá Starfsgreinasambandinu vegna tveggja kjarasamninga vill samninganefnd  Starfsgreinasambandsins koma eftirfarandi staðreyndum á framfæri:

Framsýn stéttarfélag hefur ákveðið að afturkalla samningsumboð sitt frá Starfsgreinasambandinu og er það í samræmi við forræði einstakra félaga á sínum málum.

Það er miður að í tengslum við þessa samþykkt þurfi að bera félaga sína þungum sökum. Samninganefnd Starfgreinasambandsins mun aldrei taka þátt í því að semja um að rýra kjör okkar fólks, hvort sem það lítur að vinnutíma, álagsgreiðslna eða annara þátta.

Í viðræðum við Samtök atvinnulífsins hefur þessi afstaða komið fram með mjög sterkum og afdráttarlausum hætti og samninganefndarmönnum á að vera það algerlega ljóst. Það má minna á að Starfsgreinasambandið sleit viðræðum við SA vegna þessara þátta. Samninganefnd Starfsgreinasambandsins mun ekki standa í skeytasendingum við félaga sína í fjölmiðlum.

Verkefni okkar er að ná samningum um bætt kjör okkar fólks, við einbeittum okkur að því í samhljómi við félaga okkar í Eflingu, Verkalýðsfélagi Akraness og  Grindavíkur.

 

Reykjavík, 20. Mars 2019

F.h. Starfsgreinasambandsins

Flosi Eiríksson, framkvæmdastjóri

 

Samninganefnd Starfsgreinasambands Íslands hefur samþykkt að halda viðræðum áfram við Samtök atvinnulífsins.

Samninganefnd Starfsgreinasambands Íslands hefur samþykkt að halda viðræðum áfram við Samtök atvinnulífsins um nýjan kjarasamning og verður viðræðum haldið áfram eftir helgi. Aðilar hafa fundað nánast daglega undanfarnar vikur, auk þess sem vinna starfshópa um einstök málefni hefur verið í fullum gangi.Viðræðurnar hafa gengið þokkalega en staðan er viðkvæm og margt er enn óleyst.

Þolinmæði Starfsgreinasambandsins í þessum kjaraviðræðum er ekki endalaus og það er ljóst að næsta vika getur ráðið úrslitum upp á framhaldið.

Reykjavík 8. mars 2019.

Fréttatilkynning frá Starfsgreinasambandi Íslands.

Nánari upplýsingar: Flosi Eiríksson, framkvæmdastjóri Starfsgreinasambands Íslands, í síma 897 8888.

Domki letnie/ Wakacje 2019

Związek zawod. Báran ogłasza do wynajęcia domki letnie w okresie wakacyjnym 2019. Domki można bukować na stronie Báran, która jest otwarta od 6 – 27 marca, istnieje także możliwośc uzyskania pomocy przy bukowaniu pod nr. tel. 480-5000 lub osobiście w siedzibie związków przy Austurvegi 56, Selfoss. Wyniki bukowania powinny być wiadome do 29 marca. Aby zabukować domek dana osoba musi posiadać ræfræn skilríki lub Íslykil.

Búið er að opna fyrir umsóknir í Orlofshús Bárunnar fyrir sumarið 2019

Báran auglýsir orlofshús félagsins í Grýluhrauni 9, við Þverlág 2 og 6 , í Svignaskarði (skiptibústaður), í Kiðárskógi 1 í Húsafelli (skiptibústaður) og íbúð á Akureyri – Ásatún 12, til leigu sumarið 2019 fyrir félagsmenn.

Umsóknafrestur er frá 6. mars til 27. mars nk. Hægt er að sækja um á Orlofsíðu Bárunnar, einnig verður hægt að fá aðstoð við umsóknarferlið á skrifstofu félagsins við Austurvegi 56, 800 Selfoss eða í síma Þjónustuskrifstofu stéttarfélaganna 480 5000.  Úthlutun orlofshúsa mun liggja fyrir þann 29. mars nk.

 

Úthlutunar reglur varðandi orlofshúsin.

Sá sem á flesta punkta hverju sinni fær úthlutað vikuna sem óskað var eftir.

Félagsmenn verða að skrá sig inn á Orlofsvef Bárunnar með ræfrænum skilríkjum eða Íslykil til að sækja um.

 

 

Verð á vikudvöl í bústöðum er 20.000 kr. og á Akureyri 22.000 kr.

 

Vikan í bústöðum er frá föstudegi til föstudags.

Vikan á Akureyri er frá miðvikudegi til miðvikudags.

 

Tímabilin eru : Grýluhrauni 9. og Þverlág 2. – Frá 31. maí – 31. Ágúst.

Akureyri – frá 29. maí til 4. september

Svignaskarð – 31. maí – 31. ágúst

Í Kiðárskógi Húsafelli – 14. júní –  13. september– aðra hverja viku.                                   

Vikurnar sem um ræðir í Kiðárskógi eru : 14.-21. júní.  / 28. júní.– 5. júlí  / 12. – 19. júlí  / 26. júlí. – 2. ágúst / 9. – 16. ágúst / 23. ágúst – 30. ágúst / 6. – 13. september.

Vikurnar sem um ræðir í Þverlág 6. eru: 31. maí – 7. júní / 7.-14. júní  / 21.-28. júní /    5. -12. júlí / 19.-26. júlí / 2. – 9. ágúst / 16. – 23. ágúst / 30. ágúst – 6. september                               

Íbúðin í Sóltúni 28, Rvk. verður ekki úthlutað heldur verður hún í sveigjanlegri leigu eins og hingað til.  Hægt er að leigja hana til 13. september.

 

Greiðslufrestur er 2 vikur eftir að úthlutað verður.

Öllum umsóknum verður svarað.

 

Punktasöfnun hjá Bárunni:

Einn punktur safnast í hverjum mánuði þegar greidd eru félagsgjöld óháð launaupphæð, punktar safnast upp með árunum og fyrnast ekki.

Engir punktar eru teknir af félagsmönnum þegar leigt er bústað að vetri til.

24 punktar eru teknir yfir páskavikuna.

24 punktar eru teknir frá fyrstu 3 vikurnar í júní og svo aftur vikurnar eftir verslunarmannahelgina til endann ágúst og fram í september þar sem vikuleiga er.

36 punktar eru teknir frá síðustu vikuna í júní og fram yfir verslunarmannahelgina alls 6 vikur að jafnaði.

 

Þú getur sótt um hér 😎 https://orlof.is/baran/site/rent/rent_list.php

 

 

Báran, stéttarfélag

Austurvegi 56, 800 Selfoss – sími 480 5000 –  baran@baran.is

Tilkynning frá Bárunni, stéttarfélagi.

Efling stéttarfélag hefur samþykkt að fara í almenna leynilega atkvæðagreiðslu um boðun vinnustöðvunar meðal þeirra félagsmanna sem starfa í veitinga- og gistihúsum og hliðstæðri starfsemi.

Ef vinnustöðvunin verður samþykkt, mun það taka til allra þrifa, hreingerninga og frágangs herbergja og annarrar gistiaðstöðu.

Fram kemur að félagssvæði Eflingar nái meðal annars til Grímsnes og Grafningshrepps. Eftir sameinginu Grímsnes og Grafningshrepps sköruðust félagssvæði þessara tveggja félaga. Félagssvæði Bárunnar var í Grímsneshreppi og Eflingar í Grafningshreppi.

Ef til þessa verkfalls kemur fara félagsmenn Eflingar í verkfall sem starfa í Grímsnes og Grafningshreppi. Félagsmenn Bárunnar, stéttarfélags falla ekki undir þessa boðuðu vinnustöðvun ef hún verður samþykkt og fara því ekki í verkfall að þessu sinni.

 

Halldóra Sigr. Sveinsdóttir formaður Bárunnar, stéttarfélags