Báðir varaforsetar ASÍ hafa ýjað að því í viðtölum síðustu daga að kjarasamningum kunni að vera sagt upp í lok mánaðarins. Forsendunefnd þarf að skila sinni niðurstöðu í síðasta lagi 28. febrúar. Að því gefnu að forsendur kjarasamninga á almenna markaðnum haldi þá gilda samningarnir til loka árs 2018.
Read more „Verður kjarasamningum sagt upp í lok mánaðarins?“
Ályktun vegna dvalar og hjúkrunarheimilisins Kumbaravogs Stokkseyri. 50 stöðugildi burt úr Sveitarfélaginu Árborg og fólk er flutt hreppaflutningum.
Stjórn Bárunnar harmar þá stöðu sem komin er upp varðandi hjúkrunarheimilið á Kumbaravogi. Virðingarleysið við heimilisfólkið er takmarkalaust og er það flutt án nokkurs fyrirvara til dvalar á öðrum stöðum. Í ljósi stöðunnar hlýtur að vera forgangsverkefni að flýta nýrri byggingu hjúkrunarheimilis í Árborg og skorar stjórn félagsins á stjórnvöld að öryggi þeirra sem þurfa á þessari þjónustu að halda verði tryggt svo sómi verði að.
Read more „50 stöðugildi burt úr Sveitarfélaginu Árborg og fólk er flutt hreppaflutningum.“
Báran, stéttarfélag auglýsir orlofshús félagsins á Flúðum, Grýluhrauni og á Akureyri laus til umsókna fyrir páskavikuna 12. . 19. apríl 2017. Umsóknarfrestur er til 3. febrúar nk. Hægt er að sækja um í tölvupósti baran@baran.is eða í síma Þjónustuskrifstofu stéttarfélaganna 480-5000. Úthlutun orlofshúsa mun liggja fyrir 6. febrúar nk. Öllum umsóknum verður svarað. Nánari upplýsingar í auglýsingu um páskaúthlutun á þessari síðu.
Þær vinnudeilur sem sjómenn og útgerðarmenn standa nú í hafa haft alvarlegar afleiðingar fyrir landverkafólk. Fiskvinnslufyrirtæki hafa nýtt sér ákvæði í landslögum sem gerir þeim kleift að senda fiskvinnslufólk á atvinnuleysisbætur vegna „ófyrirséðra áfalla“ í stað þess að njóta kauptryggingar vegna hráefnisskorts eins og hingað til hefur tíðkast.
Read more „Starfsgreinasamband Íslands lýsir yfir fullum stuðningi við sjómenn“
Atvinnuleysisbætur hækkuðu um 7,5% frá 1. janúar 2017. Grunnatvinnuleysisbætur eru því 217.208 krónur á mánuði en voru 202.054 krónur. Hámark tekjutengdra atvinnuleysisbóta er 342.422 kr. á mánuði eftir hækkun en voru 318.532 krónur fyrir hækkun. Þessi hækkun kemur í kjölfar gagnrýni á að bætur hafi ekki hækkað hlutfallslega jafn mikið og lágmarkslaun, en grunnatvinnuleysisbætur eru nú 83,5% af lágmarkslaunum.
Þriðja í jólum, þriðjudaginn 27. desember er lokað. Skrifstofan opnar aftur miðvikudaginn 28. desember á hefðbundnum opnunartíma.
Sjúkradagpeningar vegna desember verða greiddir út þann 22. desember. Öll gögn þurfa að hafa borist skrifstofunni í síðasta lagi þann 19. desember nk. Nánari upplýsingar í síma 480-5000.
Atkvæðagreiðslu um kjarasamninginn milli Sjómannasambands Íslands og Samtaka fyrirtækja í sjávarútvegi lauk kl. 12:00 á hádegi í dag. Aðild að samningnum eiga öll aðildarfélög Sjómannasambands Íslands að Sjómanna- og vélstjórafélagi Grindavíkur og Verkalýðsfélagi Vestfirðinga undanskildum.
Read more „Niðurstaða atkvæðagreiðslu um kjarasamning sjómanna“
Þann 14. nóvember var undirritaður kjarasamningur milli SFS og aðildarfélaga Sjómannasambands Íslands að Sjómanna- og vélstjórafélagi Grindavíkur undanskildu. Auk þess fór Sjómannasamband Íslands ekki með samningsumboð fyrir Verkalýðsfélag Vestfirðinga.
Fyrr í þessum mánuði komu í heimsókn til okkar á Þjónustuskrifstofuna, nemendur úr 10. bekk frá Sunnulækjarskóla Selfossi. Þau kynntu sér þjónustu stéttarfélaganna og fengu gagnlegar upplýsingar um réttindi og skyldur á vinnumarkaði.