Við vinnum fyrir þig

Translate to

Category: Fréttir

Báran stéttarfélagFréttirFréttir
Fréttir thor

Vegna aðalfundar 2015

Uppstillingarnefnd Bárunnar, stéttarfélags hefur sent frá sér tillögu að lista samkvæmt lögum sem samþykkt voru á aðalfundi 2012. Nefndin leggur fram tillögu að lista til stjórnar og nefnda Bárunnar. Listi uppstillingarnefndar liggur frammi til kynningar á Þjónustuskrifstofu stéttarfélaganna á Austurvegi 56, Selfossi og á heimasíðu félagsins frá og með þriðjudeginum 31. mars 2015. Listann má finna hér til hliðar undir Auglýsingar/aðalfundur 2015

Á aðalfundi Bárunnar 2015 skal kosið um varaformann, þrjá meðstjórnendur og þrjá varamenn.

Einnig er kosið í stjórn sjúkrasjóðs (5 aðalmenn og 3 varamenn) og eftirfarandi nefndir:

Úthlutunarnefnd vinnudeilusjóðs (3 aðalmenn og 2 varamenn),uppstillingarnefnd (3 aðalmenn og 1 varamann), kjörstjórn (2 aðalmenn og 1 varamann) og um skoðunarmenn reikninga (2 aðalskoðunarmenn og 2 varamenn).

Uppstillingarnefnd auglýsir eftir framboðum í stjórnir og nefndir félagsins. Heimilt er að bjóða fram lista eða einstaklinga í ákveðin sæti og skulu framboð berast upstillingarnefnd í síðasta lagi 4. maí næst komandi.

Uppstillingarnefnd Bárunnar, stéttarfélags

Fréttir thor

Vel heppnað trúnaðarmannanámskeið

Í dag lauk þriggja daga námskeiði fyrir trúnaðarmenn á vinnustöðum. Námskeiðið var haldið í samstarfi við Félagsmálaskóla alþýðu. Leiðbeinandi námskeiðinu var Sigurlaug Gröndal.  Námskeiðið tókst vel og mikil ánægja með námskeiðið eins og sjá má á meðfylgjandi myndum.

IMG_3531
IMG_3524IMG_3523

 

Fréttir thor

YFIRLÝSING FRÁ STARFSGREINASAMBANDI ÍSLANDS

Samninganefnd Starfsgreinasambands Íslands (SGS) lýsir miklum vonbrigðum með nýfallinn dóm félagsdóms í máli Rafiðnaðarsambandsins vegna tæknimanna hjá RÚV en Samtök atvinnulífsins (SA) höfðu efast um lögmæti verkfallsaðgerða tæknimannanna. Dómurinn kemst að þeirri niðurstöðu að óheimilt hafi verið að telja atkvæði vegna verkfallsboðunar margra stéttarfélaga í einu lagi, jafnvel þó að um sameiginlegar aðgerðir sé að ræða.

Í ljósi þess að yfirstandandi atkvæðagreiðsla Starfsgreinasambandsins er einnig vegna sameiginlegra aðgerða margra stéttarfélaga hefur samninganefnd SGS ákveðið að afturkalla atkvæðagreiðsluna. Verður hún í kjölfarið endurtekin hjá hverju félagi fyrir sig. Þetta gæti þýtt að fyrirhugaðar verkfallsaðgerðir á vegum SGS frestist um tvær til þrjár vikur. Uppfærð áætlun um aðgerðir verður kynnt fljótlega og í kjölfarið munu öll félögin 16 sem aðild eiga að samninganefnd SGS boða til atkvæðagreiðslu meðal félagsmanna sinna.

Meginkrafa SGS hefur verið að lágmarkslaun verði hækkuð í 300 þúsund krónur innan þriggja ára og stefnir sambandið ótrautt á verkfall náist ekki samkomulag áður um það sem SGS álítur mannsæmandi kjör. Verkfallsaðgerðirnar munu taka til ríflega 10.000 manns sem starfa á matvælasviði, svo sem í fiskvinnslu, kjötvinnslu og sláturhúsum, í þjónustugreinum, svo sem ferðaþjónustu og ræstingum og í byggingarstarfsemi, mannvirkjagerð, iðnaði og flutningsgreinum.

Tekið af heimasíðu SGS

Fréttir thor

Ný verðkönnun á páskaeggjum – allt að 57% verðmunur

Mesti verðmunur á páskaeggjum reyndist 57% en algengast var að sjá um 30% verðmun á hæsta og lægsta verði páskaeggja í nýrri verðkönnun sem verðlagseftirlit ASÍ gerði í matvöruverslunum á höfuðborgarsvæðinu á þriðjudaginn. Bónus var oftast með lægsta verðið en Samkaup-Úrval var oftast með hæsta verðið. Flest páskaeggin í könnuninni voru fáanleg hjá Fjarðarkaupum en fæst í Bónus.

Bónus var með lægsta verðið á 26 af þeim 38 tegundum páskaeggja sem kannaðar voru. Hæsta verðið í könnuninni var oftast hjá Samkaupum-Úrval eða á 21 páskaeggi af 38. Benda má á að í um þriðjungi tilvika er undir 2 kr. verðmunur á Bónus og Krónunni, þ.e.a.s. að eggin hjá Krónunni eru allt að 2 kr. dýrari en hjá Bónus.

Oftast um 30% verðmunur á hæsta og lægsta verði

Oftast var um 30% verðmunur á hæsta og lægsta verði páskaeggjanna í könnuninni. Sem dæmi má nefna að 32% verðmunur var á 480 gr. Nizza karamellu og bragðarefs házkaeggi frá Nóa Síríus sem var ódýrast á 2.115 kr. hjá Bónus en dýrast á 2.789 kr. hjá Samkaupum-Úrvali, en það er 674 kr. verðmunur. Þá var 38% verðmunur á 450 gr. Appolo fylltu lakkrís páskaeggi nr. 5 frá Góu sem var ódýrast á 1.445 kr. hjá Bónus en dýrast á 1.999 kr. hjá Samkaupum-Úrvali sem er 554 kr. verðmunur.  Freyju rísegg nr. 4 var ódýrast á 1.087 kr. hjá Bónus en dýrast á 1.449 kr. hjá Hagkaupum sem er 33% verðmunur.

Minnstur verðmunur í könnuninni var á Góu páskaeggi nr. 4 sem var ódýrast á 1.095 kr. hjá Krónunni en dýrast á 1.229 kr. hjá Hagkaupum sem er 12% verðmunur. Mestur verðmunur að þessu sinni var 57% á Nóa Síríus páskaeggi nr. 3 og Freyju ríseggi nr. 9, en páskaeggið frá Nóa Síríus var dýrast hjá Víði og ódýrast hjá Bónus en Freyju eggið var ódýrast hjá Krónunni en dýrast hjá Samkaupum-Úrvali.

Sjá nánar niðurstöður í töflu.

Verðkönnunin tók til algengra páskaeggja frá íslenskum framleiðendum.

Könnunin var gerð þriðjudaginn 24.mars í eftirfarandi verslunum: Bónus, Krónunni, Nettó, Iceland, Hagkaupum, Fjarðarkaupum, Samkaupum-Úrvali, Nóatúni og Víði.

Hér er aðeins um beinan verðsamanburð að ræða, en ekki er lagt mat á gæði eða þjónustu söluaðila.

Óheimilt er að vitna í könnunina í auglýsingum og við sölu nema með heimild ASÍ.

Tekið af heimasíðu ASÍ
Fréttir thor

ATKVÆÐAGREIÐSLA Í FULLUM GANGI – GRÍÐARLEGUR MEÐBYR

Þessa dagana stendur yfir atkvæðakvæðagreiðsla vegna verkfallsboðunar 16 félaga innan Starfsgreinasambandsins, en í henni munu ríflega 10.000 manns, þ.e. verkafólk utan höfuðborgarsvæðisins, taka afstöðu til hvort boðað verði til viðamikilla verkfallsaðgerða frá og með 10. apríl næstkomandi til að þrýsta á atvinnurekendur að mæta sanngjörnum launakröfum sambandsins. Það er því ekki ljóst ennþá hvort til verkfalls kemur, en það bendir aftur á móti margt til þess og sá mikli stuðningur sem SGS og aðildarfélög þess hafa fundið fyrir að undanförnu styðja það. Fjöldi fólks hefur haft samband símleiðis eða í tölvupósti til að lýsa yfir stuðningi sínum og hvatningu og  jafnframt hefur fjöldi atvinnurekanda haft samband og óskað eftir að gera samninga við sitt starfsfólk um 300.000 króna lágmarkslaun. Slíkum óskum er beint til Samtaka atvinnulífsins og eðlilegt að fyrirtæki sem eru í þeim samtökum þrýsti á um að allsherjarsamningar séu endurnýjaðir.

Félögin 16 hafa að undanförnu haldið fjölda fjölmenna félags- og samstöðufundi á sínum félagssvæðum til að fara yfir stöðu mála og stappa stálinu í sitt fólk. Til að mynda hélt Verkalýðs- og sjómannafélag Bolungarvíkur fjölmennan samstöðufund í gærkvöldi þar sem yfir helmingur félagsmanna mætti! Þá mættu á annað hundrað félagsmenn á fundi á tvo félagsfundi sem Eining-Iðja hélt í Hrísey og á Dalvík í fyrradag. Sérstaklega var mætingin góð á Dalvík og muna elstu menn ekki eftir slíkri mætingu á félagsfund í bænum.

SGS vill nota tækifærið og þakka þann góða meðbyr og hvatningu sem sambandið og félög þess hafa fengið. Sameinuð berjumst við og segjum JÁ við verkfalli!

Tekið af heimasíðu SGS

 

Fréttir thor

Decyzja należy do Ciebie

Drogi członku związków zawodowych Báran

Umowy zbiorowe  na ogólnym rynku pracy wygasły i nadszedł czas na ponowne negocjacje.

Przez  miesiąc zasiadaliśmy przy stole negocjacyjnym nie osiągając żadnego rezultatu.

Konfederacja pracodawców /SA/ odrzuciła żądania Stowarzyszenia Związków Pracowniczych/SGS/ i nie chce poddawć ich dyskusji.

Taka postawa zmusza nas do zerwania negocjacji i przygotowania związki zawodowe

oraz ich członków do mówienia  wspólnym solidarnym językiem.

Związkowcy w całym kraju wystosowali żądania dot. warunków pracy i wynagrodzenia.

Konfederacja pracodawców całkowicie odrzuciła żądania dotyczące najniższego wynagrodzenia mającego wystarczyć  na przeżycie.

 

My postępujemy według sprawiedliwych zasad

według których wstrzymamy pracę i  dlatego ubiegamy się o zezwolenie na przystąpienie do strajku.

Bądzmy solidarni w naszych żądaniach o lepsze warunki pracy i wynagrodzenie.

W następnych dniach członkowie związków zawodowych Báran na ogólnym rynku pracy będą mogli zagłosować drogą elektroniczną. Wszystkich zachęcamy do wzięcia udziału w głosowaniu.

 

Głosowanie rozpoczyna się 23. marca 2015 r. o godz. 8:00.

Zakończenie głosowania nastąpi 30 marca 2015 r. o godz. 24:00

 

ZAGŁOSUJ –  MIEJ WPŁYW!

Grupa negocjacyjna związków zawodowych  Báran

Fréttir Þórarinn

Myndband frá Bárunni

Eftifarandi myndband var tekið upp á bökkum Ölfusár á laugardaginn. Myndbandi er gert af nokkrum félagsmönnum og velunnurum Bárunnar, stéttarfélags og er frábært innlegg í baráttuna. Það stefnir í átök og spurning hvort menn þurfa að fara að bretta upp ermar eða eins og í þessu tilviki, ná í hlýrabolina úr efstu hillunni til að berjast fyrir þessari sanngjörnu og réttmætu kröfu.

Fyrir þá sem fá greitt samkvæmt lægsta taxta launatöflunnar þýðir þetta 86.000 króna hækkun á þrem árum. Menn geta svo leikið sér með prósentur eins og þá lystir. Við borgum ekki með prósentum út í búð, við borgum með krónum!

En hér er myndbandið

Fréttir thor

Laust starf hjá ÞSS

Þjónustuskrifstofa stéttarfélaganna á Suðurlandi  óskar eftir að ráða þjónustufulltrúa í fullt starf á skrifstofu sína Austurvegi 56, Selfossi.

Skrifstofan sinnir þjónustu við félagsmenn þriggja stéttarfélaga (Báran, stéttarfélag, Verslunarmannafélag Suðurlands og Félag iðn- og tæknigreina). Leitað er eftir einstaklingi sem hefur mikla þjónustulund og áhuga á verkalýðsmálum. Viðkomandi þarf að geta unnið bæði sjálfstætt og í samstarfi við aðra.

Æskilegt er að viðkomandi geti hafið störf sem fyrst.

Starfssvið:

  • Almenn móttaka og símsvörun
  • Umsjón með eldhúsi og fundarsal
  • Undirbúningur og þátttaka á fundum
  • Umsjón með orlofshúsum
  • Vinnustaðaeftirlit
  • Önnur verkefni

Hæfniskröfur:

  • Áhugi á málefnum launafólks
  • Þjónustulund og hæfni í mannlegum samskiptum
  • Góð þekking á upplýsingatækni, s.s. Word og Excel
  • Góð almenn tungumálakunnátta

Umsókn skilist til Þórs Hreinssonar skrifstofustjóra, á Þjónustuskrifstofu stéttarfélaganna á Suðurlandi Austurvegi 56 800 Selfossi fyrir 8. apríl nk

eða á thor@midja.is.

 

Fréttir Þórarinn

Opnunartími vegna atkvæðagreiðslu

Athygli er vakin á að skrifstofan verður opinn aukalega vegna kosningar um verkfallsaðgerðir Starfsgreinasambands Íslands.

Skrifstofan verður opin sem hér segir:

24.mars þriðjudag frá kl. 08:00 til 20:00

25.mars miðvikudag frá kl. 08:00 til 20:00

28.mars laugardag kl. 13:00 til 16:00

Á þessum tíma er hægt að koma og fá upplýsingar og aðstoð við kosningu

Svo verður líka heitt á könnunni fyrir þá sem vilja koma og taka stöðuna.

Fréttir Þórarinn

Atkvæðagreiðsla um verkfall hafin!

Á slaginu 08:00 í morgun hófst rafræn atkvæðagreiðsla 16 aðildarfélaga Starfsgreinasambandsins um heimild til verkfallsboðunar vegna félagsmanna sem starfa eftir kjarasamningi við Samtök atvinnulífsins. Rúmlega 10.000 manns eru á kjörskrá og fá þeir í dag eða á næstu dögum send kjörgögn vegna atkvæðagreiðslunnar. Fólk er hvatt til að skoða gögnin vel og vandlega og hafa samband við skrifstofu SGS eða sitt stéttarfélag ef einhverjar spurningar vakna. Þá er rétt að benda á vefsvæði SGS sem inniheldur mikið magn gagnlegra upplýsinga um verkfallsaðgerðirnar.

Eins og áður sagði þá er um rafræna atkvæðagreiðslu að ræða. Lykilorðið sem fylgir með kjörgögnum veitir aðgang að kosningunni, sem fer fram hér. Hver og einn ber ábyrgð á sínu atkvæði. Atkvæðin eru ekki persónurekjanleg þannig að það er ekki hægt að óska eftir nýju lykilorði, ef það kynni að glatast. Þar af leiðandi er mikilvægt að passa vel upp á lykilorðið.

Ef einhver telur sig eiga að vera á kjörskrá en fær ekki send kjörgögn þá getur viðkomandi kært sig inn á kjörskrá. Sá hinn sami þarf þá að hafa samband við stéttarfélagið sitt. Í framhaldinu er málið sent til kjörstjórnar sem mun taka afstöðu til þess.

Að síðustu vill Starfsgreinasamband Ísland eindregið hvetja kosningabæra félagsmenn að taka þátt í atkvæðagreiðslunni og greiða atkvæði um verkfallsboðunina. Nú er reynir á að íslenskt verkafólk standi saman sem eitt, berjist fyrir réttlátum kröfum og sendi Samtökum atvinnulífsins skýr skilaboð!

Greiddu atkvæði

MENU