Við vinnum fyrir þig

Translate to

Category: Fréttir

Báran stéttarfélagFréttirFréttir
Fréttir thor

Námskeiðið Á tímamótum

Báran stéttarfélag býður þeim félagsmönnum sem huga að starfslokum vegna aldurs að sækja námskeiðið Á tímamótum.

Á námskeiðinu verður  m.a. fjallað um: Félagslega þætti og breytingar sem verða á lífi fólks við starfslok, þjónustu sveitarfélaga við eldri borgara og hvernig hægt er að nálgast hana, þjónustu Tryggingastofnunar og málaflokka sem heyra undir hana og Sjúkratryggingar Íslands. Reglur um greiðslur ellilífeyris verða kynntar. Þá verður fjallað um hvernig hægt er að undirbúa sig heilsufarslega undir efri árin. Einnig mun félag eldri borgara á Selfossi kynna starfsemi sína

 

Skráning fer fram hjá Fræðslunetinu í síma 560-2030. Námskeiðið er félagsmönnum að kostnaðarlausu.  

Tímasetning: 29. apríl. – 15. maí

Staður: Fjölheimar á Selfossi

Þriðjudaga og fimmtudaga, kl. 16.50-19.00

Fréttir thor

Frábært trúnaðarmannanámskeið

Í vikunni var haldið sameiginlegt tveggja daga námskeið fyrir trúnaðarmenn Bárunnar, stéttarfélags, Verslunarmannafélags Suðurlands, Félag iðn- og tæknigreina og Verkalýðsfélags Suðurlands. Námskeiðið var haldið í Fjölheimum á Selfossi. Trúnaðarmannanámið er í sjö þrepum og var verið ljúka síðasta þrepinu. Nokkrir trúnaðarmenn luku þar með öllum þrepunum.

 P1000622

Fréttir thor

Vel heppnaður fundur trúnaðarmanna

Í gær var haldinn fundur með trúnaðarmönnum og stjórnum Bárunnar, stéttarfélags og Verslunarmannafélags Suðurlands. Markmiðið með fundinum var að gefa trúnaðarmönnum tækifæri til að hittast og skiptast á skoðunum. Sara Guðjónsdóttir trúnaðarmaður í Leikskólanum Hulduheimum sagði frá reynslu sinni af hlutverki trúnaðarmannsins. Sigurlaug Gröndal stýrði hópaumræðu í kjölfarið þar sem trúnaðarmenn lögðu fram stórgóðar hugmyndir fyrir félögin að vinna úr. Það er mat félaganna að fundurinn hefði heppnast afar vel og vill þakka trúnarmönnum fyrir þeirra framlag.

 

P1000635 P1000636 P1000631 P1000630

Fréttir thor

Fundur með trúnaðarmönnum Bárunnar

Á morgun miðvikudaginn 9. apríl nk. kl. 16.30 verður haldinn sameiginlegur léttur páskafundur með trúnaðarmönnum Bárunnar, stéttarfélags og Verslunarmannafélags Suðurlands. Markmiðið með fundinum er að gefa trúnaðarmönnum tækifæri til að hittast og skiptast á skoðunum. Fundurinn verður haldinn í sal Þjónustuskrifstofu stéttarfélaganna, Austurvegi 56 Selfossi. 

 Trúnaðarmenn sem eru á trúnaðarmannskeiði hjá Fræðslunetinu geta mætt beint eftir námskeiðið.  

 Við hvetjum alla trúnaðarmenn til að mæta, eiga skemmtilega stund og huga að framtíð félaganna.

Dagskrá

  1. Halldóra S. Sveinsdóttir. Setning.
  2. Sara Guðjónsdóttir. Hlutverk trúnaðarmannsins.
  3. Sigurlaug Gröndal. Hópavinna. Trúnaðarmaðurinn og framtíðarsýn.
  4. Gils Einarsson.  Samantekt og fundarslit.

 

 

 

 

 

Fréttir Þórarinn

Punkta söfnun hjá Bárunni vegna sumarbústaða leigu.

♠ Einn punktur safnast í hverjum mánuði þegar greidd eru félagsgjöld óháð launaupphæð,                   

♠  punktar safnast upp með árunum og fyrnast ekki.                                                                                                

♠ Engir punktar eru teknir af félagsmönnum þegar leigður er bústaður að vetri

til.                                                                                                                                                                               

♠ 24 punktar eru teknir yfir páskavikuna.                                                                                                                     

♠ 24 punktar eru teknir frá fyrstu 3 vikurnar í júní og svo aftur vikurnar eftir verslunarmannahelgina til endann ágúst.                                                                                                                       

♠ 36 punktar eru teknir frá síðustu vikuna í júní og fram yfir verslunarmannahelgina til lok ágúst.

Úthlutunar reglur varðandi orlofshúsin.

Sá sem á flesta punkta hverju sinni fær vikuleiguna. 😎

Fréttir thor

SGS undirritar samkomulag við ríkið

Á níunda tímanum í gærkvöldi (1. apríl 2014) undirritaði Starfsgreinasamband Íslands nýtt samkomulag við ríkið. Um er að ræða samkomulag um breytingar og framlengingu á kjarasamningi aðila m.a. Bárunnar, stéttarfélags og mun fyrri samningur framlengjast frá 1. mars 2014 til 30. apríl 2015. Helstu atriði samkomulagsins eru þau að laun í launaflokki 1-10 hækka um 9.750 krónur en laun í launaflokki 15 og ofar hækka um 2,8%, þó að lágmarki um 8.000 krónur. Einnig var samið um tvær eingreiðslur – annars vegar 14.600 kr. í apríl 2014 og hins vegar 20.000 kr. eingreiðslu í febrúar 2015. Báðar eingreiðslurnar miðast við fullt starf. Þá má nefna að persónuuppbót (desemberuppbót) verður 73.600 kr. á árinu 2014 og orlofsuppbót verður 39.500 kr.

Samkomulagið í heild

 

 

Fréttir Þórarinn

Sumarúthlutun 2014 Orlofshús

Báran, stéttarfélag auglýsir orlofshús félagsins á Flúðum, Svignaskarði og á Akureyri til umsókna fyrir sumarið 2014.
Umsóknarfrestur er til 10. apríl nk.
Hægt er að sækja um í tölvupósti baran@baran.is eða í gegnum síma Þjónustuskrifstofu stéttarfélaganna 480-5000.
Úthlutun orlofshúsa mun liggja fyrir 23. apríl nk.
Öllum umsóknum verður svarað skriflega.
Verð á vikudvöl í bustöðunum er 15.000.-
(Leigutímabil frá föstudegi til föstudags)

Bílaleiga Selfoss býður Ægis tjaldvagna til leigu

Ægis vagn

Vikuleiga: Tjaldvagn 45.000.-*
Fortjald 8.000.-
Aukabúnaður 8.000.-
*sértilboð fyrir félagsmenn Bárunnar 15% afsláttur
af vikuleigu
Nánari upplýsingar og pöntun eru hjá Bílaleigu Selfoss s. 482-4040.

 

 

 

Fréttir Þórarinn

Vegna aðalfundar 2014

Uppstillingarnefnd Bárunnar, stéttarfélags hefur sent frá sér tillögu að lista samkvæmt lögum sem samþykkt voru á aðalfundi 2012.

Nefndin leggur fram tillögu að lista til stjórnar og nefnda Bárunnar.

Listi uppstillingarnefndar liggur frammi til kynningar á Þjónustuskrifstofu stéttarfélaganna á Austurvegi 56, Selfossi og á heimasíðu félagsins frá og með mánudeginum 24. mars 2014.

Á aðalfundi Bárunnar 2014 skal kosið um formann, tvo meðstjórnendur og þrjá varamenn.

Einnig er kosið í stjórn sjúkrasjóðs ( 5 aðalmenn og 3 varamenn ) og eftirfarandi nefndir: Úthlutunarnefnd vinnudeilusjóðs ( 3 aðalmenn og 2 varamenn ), uppstillingarnefnd ( 3 aðalmenn og 1 varamann ), kjörstjórn ( 2 aðalmenn og 1 varamann ) og um skoðunarmenn reikninga ( 2 aðalskoðunarmenn og 2 varamenn )

Uppstillingarnefnd auglýsir eftir framboðum í stjórnir og nefndir félagsins.

Heimilt er að bjóða fram lista eða einstaklinga í ákveðin sæti og skulu framboð berast upstillingarnefnd í síðasta lagi 15. apríl næst komandi.

Fréttir thor

Raunfærnimat hjá Fræðsluneti Suðurlands

Í kvöld mánudaginn 24. mars kl. 19.30 verður haldinn kynningarfundur um raunfærnimat  í hestamennsku. Fundurinn verður haldinn í Fjölheimum við Bankaveg á Selfossi, stofu 205.  Við hvetjum félagsmenn sem hafa starfað við hestamennsku að nýta þetta stóra tækifæri til meta fyrri reynslu og færni. Þess má geta að raunfærnimat er félagsmönnum að kostnaðarlausu. 

Næstu kynningarfundir:

Stuðningsfulltrúar og leikskólaliðar fimmtudaginn 27. mars kl. 18.00.

Garð og skógarplöntuframleiðsla fimmtudaginn 3. apríl kl. 17.00.

Fréttir thor

Vegna mánaðarmóta

Næstu mánaðarmót ber að greiða umsamdar hækkanir á launum samkvæmt nýjum kjarasamningi SGS og SA.  Samningurinn gildir frá 1. febrúar sl.  og ber að greiða kr. 14.600 í eingreiðslu fyrir janúar.  Almenn hækkun fyrir utan launataxta er 2,8%. Kauptaxtar sem eru kr. 230.000 og lægri hækka sérstaklega og nemur hækkunin tæplega 5%. Dæmi: Launaflokkur 1, byrjunarlaun, hækkar um kr. 9.565 og launaflokkur 17, eftir sjö ár, hækkar um kr. 10.107. Aðrir kauptaxtar og kjaratengdir liðir (Bónus, premía, akkorð o.fl.) hækka um 2,8%, þó að lágmarki um kr. 8.000 á mánuði fyrir dagvinnu miðað við fullt starf.

Hægt er að sjá upplýsingar um taxtabreytingar í meðfylgjandi skjali  merkt kauptaxtar hér fyrir neðan.

Kauptaxtar.

Eingreiðsla

Þar sem samningurinn gildir frá 1. febrúar verður kr. 14.600 eingreiðsla vegna janúarmánaðar miðað við fullt starf/starfshlutfall og að viðkomandi hafi verið í vinnu 1. febrúar.

 

Lágmarkstekjur fyrir fullt starf

Lágmarkstekjur fyrir fullt starf, fullar 173,33 unnar stundir á mánuði (40 stundir á viku) skulu vera sem hér segir fyrir starfsmenn 18 ára og eldri sem starfað hafa fjóra mánuði samfellt hjá sama fyrirtæki:

 

Hinn 1. febrúar 2014

kr.

214.000

á mánuði.

 

  • Mánaðarlega skal greiða uppbót á laun viðkomandi starfsmanna sem ekki ná framangreindum tekjum, en til launa í þessu sambandi teljast allar greiðslur, þ.m.t. hverskonar bónus-, álags- og aukagreiðslur, sem falla til innan ofangreinds vinnutíma.
  • Laun fyrir vinnu umfram 173,33 stundir á mánuði og endurgjald á útlögðum kostnaði reiknast ekki með í þessu sambandi.

 

Orlofsuppbót

Orlofsuppbót fyrir hvert orlofsár (1.maí til 30. apríl) miðað við fullt starf er:

  • Á orlofsárinu sem hefst 1. maí 2014 verði orlofsuppbót kr. 39.500.

 

Desemberuppbót

Desemberuppbót miðað við fullt starf er:

  • Á árinu 2014 kr. 73.600.

 

Sjá nánari upplýsingar hér:

  taxtar_sa_1_feb_2014

MENU