Category: Fréttir

Nánari upplýsingar um kjarasamning frá 20. febrúar sl.

Kynningarefni vegna kjarasamninga – febrúar 2014 (4)

Kosning er rafræn og stendur frá kl. 12:00 föstudaginn 28. febrúar til föstudagsins 7. mars kl. 12:00

Inn á heimasíðu félagsins, baran.is,  eru leiðbeiningar og hnappur sem opnar á aðgang að kosningunni. Verið er að senda kjörgögn til félagsmanna og þar með er notendanafn og lykilorð.

Hægt er að hafa samband við skrifstofu í s. 480 5000 og fá aðstoð.

Starfsmenn félagsins geta veitt einnig veitt aðstoð í fyrirtækjum sé þess óskað. Skrifstofan verður opin miðvikudaginn 5. mars nk til kl. 19:30.

Skrifað undir kjarasamning við SA

Báran, stéttarfélag skrifaði síðdegis undir kjarasamning  við Samtök atvinnulífsins. Samningurinn byggist á sáttatillögu ríkissáttasemjara.  Sex önnur verkalýðsfélög innan vébanda Starfsgreinasambandsins skrifuðu undir samninginn. Félögin sem skrifuðu undir auk Bárunnar, stéttarfélags eru:  Eining – Iðja, Samstaða Blönduósi, Verkalýðsfélag Grindavíkur, Aldan stéttarfélag, Stéttarfélag Vesturlands og Verkalýðsfélag Snæfellinga. Félagsmenn allra þessara verkalýðsfélaga felldu kjarasamning sem undirritaður var fyrir jól.  Samninganefnd félagsins verður boðað til fundar næstkomandi mánudag þar sem samningurinn verður kynntur. Hann verður síðan kynntur félagsmönnum. 

Ábyrgðin liggur hjá atvinnurekendum og hinu opinbera að bjóða ásættanlega lausn

Starfsgreinasamband Íslands sendi frá sér eftirfarandi ályktun í dag af formannafundi sambandsins um stöðuna á vinnumarkaði:

„Stór hluti aðildarfélaga SGS felldi þá samninga sem undirritaðir voru í desember síðastliðnum og engar formlegar viðræður eru hafnar við fulltrúa fjármálaráðuneytisins vegna samninga SGS og ríkisins sem runnu út um síðustu mánaðamót. Þá brýna aðrir opinberir starfsmenn verkfallsvopnið um þessar mundir og ljóst að ýmislegt þarf að koma til umfram þær kauphækkanir sem samið var um í desember svo friður ríki á vinnumarkaði á komandi mánuðum,“ 

Það stendur vissulega uppá atvinnurekendur að mæta launafólki sem hafnaði kjarasamningum í atkvæðagreiðslu og hafa ýmsar hugmyndir verið kynntar í þá veru af hálfu launafólks. Atvinnurekendur bera hins vegar ekki einir ábyrgð. Í aðdraganda og eftirleik kjarasamninganna í desember var það ljóst að launafólk kallar ríkisvaldið og sveitarfélög til ábyrgðar á bættum kjörum. Þær gjaldskrárhækkanir sem tóku víða gildi um áramót voru í hrópandi ósamræmi við nýgerða kjarasamninga og urðu til þess að draga úr trú launafólks á að takast mætti að halda niðri verðbólgu og auka kaupmátt.

Þá hafa félög innan Starfsgreinasambandsins haldið til haga kröfu um hækkun persónuafsláttarins eða að skattabreytingar kæmu með öðrum hætti þeim tekjulægstu til góða. Ríkisvaldið verður að kannast við sinn hluta ábyrgðarinnar á að friður ríki á vinnumarkaði. Formenn Starfsgreinasambandsins krefjast þess að samtök launafólks eigi aðkomu að gjaldskrárbreytingum og leggja áherslu á að létt sé álögum af fólki sem þarf að nýta sér heilbrigðisþjónustu. Launafólk skorast ekki nú frekar en fyrri daginn undan því að ganga til kjarasamninga og virða þá en ljóst er að nú liggur ábyrgðin hjá atvinnurekendum og hinu opinbera að bjóða ásættanlega lausn á vinnumarkaði,“ 

Fjöldi sveitarfélaga hefur hækkað verð í sund

 

Sjá frétt á heimasíðu ASÍ

Kjörfundi lýkur á miðvikudag

Ákveðið hefur verið að framlengja kosningu um kjarasamningana sem undirritaðir voru þann 21. desember síðastliðinn. Kjörfundi líkur kl. 12.00 á hádegi nk. miðvikudag í stað þriðjudags.  Send voru út bréf til félagsmanna sem starfa eftir samningi við Samtök atvinnulífsins, þ.e. þeirra sem starfa á almenna markaðinum.  Í sendingunni til félagsmanna eru kjörgögn með notandanafni og lykilorði inn á rafrænan atkvæðaseðil á heimasíðu Bárunnar, stéttarfélags.  Einnig er hægt að greiða atkvæði á skrifstofu félagsins. Nánari upplýsingar er hægt að nálgast á skrifstofu félagsins í síma 480-5000.

Aðstoð við rafræna kosningu

Um helgina er hægt að fá aðstoð í gegnum síma við að kjósa rafrænt. Halldóra og Þór eru á vaktinni í síma 896-5724 og 865-6020. Einnig er hægt að koma við á skrifstofunni á mánudag og þriðjudagsmorgun. Það verður heitt kaffi á könnunni.

Ertu búin/nn að kjósa?

Nú standa yfir kosningar um kjarsamninga á almennum vinnumarkaði.  Hægt er að fá aðstoð yfir helgina við að kjósa hjá Halldóru í síma 896-5724 eða hjá Þór í síma 865-6020.  Ef lykilorð virkar ekki þá er hægt að nálgast leiðbeiningar ofar á síðunni. Við hvetjum alla félagsmenn til að nýta atkvæðaréttinn.