Fréttir – Síða 100 – Báran stéttarfélag

Fréttir thor 28. apríl 2012

Eljan er komin út

Eljan kom í út í byrjun vikunnar og var dreift til félagsmanna síðustu daga. Í þessu fyrsta tölublaði ársins er víða komið við og ber merki þess að sumarið nálgast óðum. Síðasta sumar komu mörg mál á borð stéttarfélaganna um svokallað jafnaðarkaup og verktöku unglinga. Í sumum tilfellum er verið að hlunnfara sumarstarfsfólkið með því að greiða lægri laun en lágmarkstaxtar kjarasamninga kveða á um. Gerð er grein fyrir þessum vanda í umfjöllun um jafnaðarkaup og verktakalaun. Read more „Eljan er komin út“

Fréttir thor 28. apríl 2012

Starf við ræstingar

Þjónustuskrifstofa stéttarfélaganna á Suðurlandi óskar eftir að ráða starfsmann í sumarafleysingar við ræstingar. Starfið felst í ræstingu á skrifstofuhúsnæði, Austurvegi 56 (þriðja hæð), Selfossi. Um er að ræða hlutastarf sem unnið er eftir kl. 16.00 virka daga, þrisvar í viku.

Bónus ódýrast

Bónus var með lægsta verðið á matarkörfunni þegar verðlagseftirlit ASÍ kannaði verð í lágvöruverðsverslunum og stórmörkuðum víðsvegar um landið síðastliðinn mánudag. Matarkarfan var ódýrust í Bónus á 20.404 kr. en dýrust í Nóatúni á 24.680 kr. sem er 4.276 kr. verðmunur eða 21%. Matarkarfan í Samkaupum-Úrvali var næst dýrust eða á 24.658 kr. eða 22 kr. ódýrari en karfan í Nóatúni.

Vegna fyrirhugaðrar opnunar verslana 1. maí

Miðstjórn Alþýðusambands Íslands mótmælir harðlega fyrirætlunum verslanamiðstöðva og fleiri að hafa búðir opnar á 1 .maí baráttudegi verkalýðsins. Dagurinn er frídagur verslunarfólks eins og alls annars launafólks á Íslandi og hefur svo verið um áratugaskeið. Miðstjórnin harmar allar tilraunir til að breyta þessu og hvetur neytendur til að sniðganga verslanir sem hafa opið þennan dag.

Tekið af heimasíðu ASÍ.

Fréttir thor 25. apríl 2012

Hátíðardagskrá 1. maí í tilefni af alþjóðlegum baráttudegi verkalýðsins

Báran stéttarfélag, Verslunarmannafélag Suðurlands, Félag iðn- og tæknigreina, Félag opinberra starfsmanna á Suðurlandi og Félag eldri borgara á Selfossi standa fyrir viðamikilli dagskrá fyrir alla fjölskylduna á alþjóðlegum baráttu- og hátíðardegi verkalýðsins þriðjudaginn 1. maí nk.

Fréttir Þórarinn 23. apríl 2012

Vegna aðalfundar

Uppstillingarnefnd Bárunnar, stéttarfélags hefur tekið til starfa samkvæmt lögum sem samþykkt voru á aðalfundi 2011

Nefndin leggur fram lista til stjórnar og ráða Bárunnar.

Listar liggja frammi til kynningar á Þjónustuskrifstofu stéttarfélaganna á Austurvegi 56, Selfossi.

Lýst er eftir framboðum eða tillögum um frambjóðendur fyrir aðalfund 2012. Kosið skal um formann og tvo meðstjórnendur auk þriggja varamanna.

Útilegukortið á góðu verði

Útilegukortið er komið til sölu á þjónustuskrifstofu stéttarfélaganna á Suðurlandi. Stjórn Bárunnar, stéttarfélags hefur ákveðið að Útilegukortið verði niðurgreitt til félagsmanna sem greitt hafa til félagsins síðustu sex mánuði áður en kaup eru gerð. Verð Útilegukortsins með niðurgreiðslu er kr. 8.000. Markmiðið með þjónustunni er að gefa félagsmönnum kost á því að ferðast um Ísland á ódýran og hagkvæman hátt með gistingu á sérvöldum tjaldsvæðum um land.

Read more „Útilegukortið á góðu verði“

Fréttir thor 13. apríl 2012

Mikill verðmunur á dekkjum

Verðlagseftirlit ASÍ kannaði verð á 14,15 og 16´´ sumar– og heilsárshjólbörðum hjá söluaðilum víðsvegar um landið sl. þriðjudag. Mikill verðmunur er á milli þeirra, en mestur verðmunur í könnuninni var á 16´´ sumarhjólbarða fyrir meðalbíl eða 76%. Dekkverk var oftast með lægsta verðið en Max 1 oftast með það hæsta.

Read more „Mikill verðmunur á dekkjum“

Fréttir thor 12. apríl 2012

Allt að 83% verðmunur á umfelgun

Tími dekkjaskipta er runnin upp en frá 15. apríl er ólöglegt að aka á nagladekkjum. Verðlagseftirlit ASÍ gerði verðkönnun á skiptingu, umfelgun og jafnvægisstillingu hjá 22 hjólbarðaverkstæðum víðsvegar um landið sl. þriðjudag. AB – varahlutir á Akureyri voru oftast með lægsta verð á fyrrnefndri þjónustu í þessari könnun. Read more „Allt að 83% verðmunur á umfelgun“

Fréttir thor 10. apríl 2012

Samráðsfundur SGS um fiskveiðistjórnun og veiðigjald

Starfsgreinasamband Íslands hefur boðað til samráðsfundar á meðal aðildarfélaga sinna föstudaginn 13. apríl kl. 13:00 í Sætúni 1 um frumvörp ríkisstjórnarinnar um stjórn fiskveiða og veiðigjald. Þingkonurnar Lilja Rafney Magnúsdóttir og Ólína Þorvarðardóttir munu mæta á fundinn til að útskýra afstöðu ríkistjórnarinnar og ræða um hugsanleg áhrif frumvarpanna á fiskvinnslufólk. Read more „Samráðsfundur SGS um fiskveiðistjórnun og veiðigjald“

Translate to

Category: Fréttir