Við vinnum fyrir þig

Translate to

Author: Gunnar Karl

Báran stéttarfélagArticles by: Gunnar Karl
Fréttir Gunnar Karl

Sumarúthlutun orlofshúsa

Báran, stéttarfélag auglýsir orlofshús félagsins í Þóristöðum 1 og 2,  við Þverlág 2, 4 og 6 á Flúðum, í Kiðárskógi 10 í Húsafelli (skiptibústaður) og íbúð á Akureyri Ásatún 12 til leigu sumarið 2025 fyrir félagsmenn.

Umsóknafrestur er frá 26. febrúar til 10. mars nk.

 

Sótt er um á Félagsvef Bárunnar, hægt er að fá aðstoð við umsóknarferlið á skrifstofu félagsins að Austurvegi 56, 800 Selfoss.

Allir félagsmenn geta sótt um, það er eingöngu punktastaða umsækjenda sem ræður niðurstöðu úthlutunar.

Úthlutun orlofshúsa mun liggja fyrir þann 13. mars nk.

Greiðslufrestur er til 20. mars kl.10:00 eftir að úthlutað verður.

20. mars klukkan 11:00 verða ógreiddar og óúthlutaðar vikur opnar á Félagsvefnum og gildir þá „fyrstur kemur fyrstur fær“.

Öllum umsóknum verður svarað.

Vikuleigan á Flúðum, Þórisstöðum og Kiðárskógi í Húsafelli er frá fimmtudegi til fimmtudagss.

Vikuleigan á Akureyri er frá miðvikudegi til miðvikudags.

 

Tímabilin eru:

Þverlág 2, 4 og 6 , Þórisstaðir 1 og 2, Kiðárskógi 10 í Húsafelli –  frá 29.05.2025 - 28.08.2025

Akureyri, Ásatún 12  -  frá 28.05.2025 – 27.08.2025.

 

Íbúðirnar í Sóltúni 28, Rvk. og Borgartúni 24a, verða ekki úthlutað heldur verða í sveigjanlegri leigu eins ávallt.

 

Félagsvefur

Fréttir Gunnar Karl

Febrúar Fréttabréf Bárunnar

Við höfum greitt út úr Félagsmannasjóði fyrir árið 2024, en eins og oft áður vantar okkur bankaupplýsingar frá nokkrum félagsmönnum sem eiga rétt á greiðslu.

Félagsmannasjóðurinn er fyrir starfsfólk sveitarfélaga. Atvinnurekendur greiða í hann mánaðarlega, alls 2,2% af heildarlaunum. Ef þú starfar eða starfaðir hjá sveitarfélagi eða stofnunum þeirra árið 2024, skráðu þig inn á félagsvefinn okkar og settu inn bankaupplýsingar svo við getum komið greiðslunni til þín.

Félagsvefur

 

Launahækkanir fyrir félagsmenn Bárunnar

Þann 1. janúar síðastliðinn hækkuðu laun félagsmanna Bárunnar sem starfa á almennum vinnumarkaði og í hótelum, veitingahúsum, í samræmi við kjarasamninga. Þessar hækkanir voru greiddar út með launum þann 1. febrúar síðastliðinn.

Við hvetjum félagsmenn til að fara vel yfir launaseðlana sína og ganga úr skugga um að launahækkunin hafi skilað sér. Ef upp koma villur eða vantar upp á greiðslur er mikilvægt að hafa strax samband við atvinnurekanda og krefjast leiðréttingar. Starfsfólk Bárunnar er einnig til staðar til að aðstoða ef þörf krefur.

Hækkanir á launum og kjaratengdum liðum 

  • Föst mánaðarlaun í dagvinnu hækka um 3,5%, þó aldrei um minna en 23.750 krónur, nema annað sé tilgreint í launatöflum kjarasamningsins.
  • Kjaratengdir liðir kjarasamningsins hækka einnig um 3,5%, nema um annað hafi verið samið.

Við höfum tekið upp tímapöntunarkerfi fyrir félagsmenn sem vilja fá ráðgjöf á skrifstofu okkar. Á heimasíðunni okkar finnurðu nú hnappinn "Bóka tíma í ráðgjöf", sem leiðir þig á skráningarform. Þar er gott að tilgreina hvað þú vilt ræða, svo kjaramálafulltrúar okkar geti undirbúið sig og afgreitt erindið hratt og vel.

Með þessu aukum við þjónustustigið fyrir þá sem þurfa persónulega ráðgjöf, og hvetjum alla til að bóka tíma ef þeir þurfa aðstoð. Athugið að ekki er hægt að tryggja ráðgjöf á skrifstofu nema með fyrirfram bókuðum tíma.

Að sjálfsögðu er enn hægt að senda okkur tölvupóst eða hringja með fyrirspurnir.

Panta tíma

 

Okkur hafa borist ábendingar um að umgengni í orlofshúsunum sé nú oftar ekki til fyrirmyndar. Þessi hús eru ekki aðeins eign félagsins heldur sameiginleg eign allra félagsmanna, og það er á ábyrgð okkar allra að halda þeim í góðu ástandi.

Við viljum því hvetja alla sem nýta sér orlofshúsin til að ganga vel um, þrífa vandlega og ganga úr skugga um að næsti gestur fái hús í sama góða ástandi og þeir sjálfir vildu taka við því. Það er einföld kurteisi og virðing gagnvart félögum okkar sem einnig vilja njóta orlofsins í hreinu og vel viðhöldnu húsnæði.

Við viljum einnig vekja athygli félagsmanna á því að gæludýr eru ekki leyfð í neinum af orlofshúsum okkar, nema í Þverlág 2 á Flúðum. Gæludýraeigendur eru vinsamlegast beiðnir að virða þessa reglu.

Þegar allir leggja sitt af mörkum tryggjum við að orlofshúsin haldist í góðu ástandi til framtíðar og að sem flestir geti notið þeirra með ánægju. Því biðlum við til félagsmanna: sýnum ábyrgð og umgöngumst þessi sameiginlegu gæði af virðingu.

 

Kveðja,
Starfsfólk Bárunnar, stéttarfélags

Fréttir Gunnar Karl

Páskaúthlutun 2025

Báran, stéttarfélag auglýsir orlofshús félagsins laus til umsókna fyrir páskavikuna 16. apríl – 23. apríl 2025.

 

Umsóknarfrestur er frá 16. janúar kl.10:00 til 5. febrúar  kl.10:00 nk. Hægt er að sækja um á Félagsvef Bárunnar.

Úthlutun orlofshúsa mun liggja fyrir þann 7. febrúar nk.

Öllum umsóknum verður svarað.

 

Verð á vikudvöl í Þverlág 2, 4 og 6, Grýluhrauni og orlofsíbúð á Akureyri er 24.000 kr. (24 punktar).

Verð á vikudvöl í Þórisstöðum 1 og 2 er 28.000 kr. (24 punktar).

Leigutímabil er frá miðvikudegi til miðvikudags.

 

Íbúðir í Sóltúni 28 og Borgartúni 24 a. eru ekki úthlutað heldur verða í sveigjanlegri leigu eins og ávallt og opnar 26. febrúar.

 

Athugið að ekki skiptir máli hvenær á umsóknartímabilinu sótt er um, kerfið raðar umsóknum eingöngu eftir punktastöðu félagsmanna.

Greiðslufrestur er til og með 13. febrúar. Eftir það opnast bókunarvefurinn þann 14. febrúar kl. 10:00 fyrir alla félagsmenn með réttindi til að bóka og þá gildir fyrstur kemur fyrstur fær fyrirkomulag.

 

Sæktu um núna í hnappnum hér að neðan

 

Félagsvefur

Fréttir Gunnar Karl

Félagsmannasjóðurinn

Allir félagsmenn sem störfuðu hjá sveitarfélagi á árinu 2024 eiga að fá greitt úr Félagsmannasjóði í byrjun febrúar nk. Iðgjald í sjóðinn er 2,2% af heildarlaunum.
Þar sem að Báran greiðir úr sjóðnum er mikilvægt að við höfum aðgang að upplýsingum um reikningsnúmer og netfang allra

Það er því mikilvægt að allir þeir sem að störfuðu hjá sveitarfélögum og greiddu til Bárunnar af launum sínum skrái þær upplýsingar inná félagsvef bárunnar.

Hægt er að komast á hann í vefinn í hnappnum hér að neðan.

Þegar þið eruð kominn inn ýtir þú á hnappinn í efra hægra horninu með, þaðan kemur valmynd þar sem þið veljið persónu og bankaupplýsingar og fyllið það út skilmerkilega.

 

Félagsvefur

Fréttir Gunnar Karl

Fréttabréf Bárunnar – Desember

Kæru félagar

Þetta ár hefur verið viðburðaríkt eins og flest ár. Hvert ár er með sínu sniði eins og sagt er og oft eru góðir og slæmir hlutir að gerast sem koma misjafnlega við okkur launafólk. Hlutur kvenna hefur verið áberandi varðandi þær kosningar sem hafa verið á þessu ári. Kona komin í embætti biskups Íslands, kona kosin forseti Íslands og þrjár konur leiða hér stjórnunarmyndunarviðræður. Þetta er nokkuð merkilegt í ljósi sögunnar og maður freistast til að halda að þetta gæti þýtt eitthvað nýtt og væri skref áfram til jafnréttis.

Á þessu ári voru undirritaðir kjarasamningar til fjögurra ára. Markmið þeirra var að ná hér niður verðbólgu og vaxtarstigi. Ekki eru heimilin enn þá farin að sjá miklar breytingar í sínum heimilisrekstri því margt hefur hækkað á móti og hafa þessi loforð ekki gengið eftir eins og um var rætt og þarf að velta stöðunni fyrir sér við endurskoðun kjarasamninga, hvað hefur áunnist og hverjir stóðu við gefin loforð um að styðja við þessu tilraun til verðbólgu og vaxtalækkun.

Ekki var samið um vinnutímastyttingu á almennum vinnumarkaði (Efling og SGS). Flestir innan ASÍ aðrir eru komnir með vinnutímastyttingu.

Það er með ólíkindum að vinnutímastytting skulu ekki ná til þeirra sem vinna mjög erfið störf og eru á lægstu laununum. Markaðirnir (opinberi og almenni) tala ekki saman og eru að skapast ýmis vandamál vegna þessa á vinnumarkaði t.d dæmis á leikskólum.

Það þarf að huga að vistunartíma í leikskólum og að þeir foreldrar sem vinnu sinnar vegna hafa ekki rétt á styttingu vegna þess að það var ekki samið um hana í kjarasamningi þeirra þurfi ekki að greiða hærra gjald vegna lengi viðveru barna þeirra. Oftast er þetta launafólk á lægstu laununum, konur með lítið bakland. Það þarf að endurskoða styttingu vistunartíma á leikskólum með hag heildarinnar í huga. Þetta er stórt jafnréttismál.

Þetta mál sem hér hefur verið nefnt er eitt af mögum málum sem eru að koma inn á borð til félagsins. Það eru ýmsar áskoranir fram undan í mörgum málum. Hér viðgengst vinnumansal og ýmis brot á vinnumarkaði og hefur málum fjölgað mjög hjá félaginu varðandi það. Stofnuð hafa verið gervistéttarfélög (t.d Virðing) af atvinnurekendum með mun lakari kjör en þegar eru á vinnumarkaði. Við vörum við slíkum félögum. Endilega ef þið verðið vör við að brotið er á ykkur eða ykkar vinnufélaga hafið samband við okkur hjá Bárunni, stéttarfélagi. Við vinnum fyrir þig..

Við viljum benda ykkur á að fylgjast vel með fréttabréfunum sem félagið sendir reglulega út skoða nýju orlofshúsin sem keypt voru á þessu ári. Endilega farið á mínar síður og uppfærið upplýsingar varðandi síma og netföng.

Hugsum hlýtt til hvors annars og þeirra sem um sárt eiga að binda hér heima og annars staðar.

Báran, stéttarfélag óskar ykkur gleðilegra jóla, farsældar og friðar á komandi árum með þakklæti fyrir samfylgdina liðinna ára.

F.h. Bárunnar, stéttarfélags

Halldóra Sigr. Sveinsdóttir

Allir félagsmenn sem störfuðu hjá sveitarfélagi á árinu 2024 eiga að fá greitt úr Félagsmannasjóði í byrjun febrúar nk. Iðgjald í sjóðinn er 1,5% af heildarlaunum.
Þar sem að Báran greiðir úr sjóðnum er mikilvægt að við höfum aðgang að upplýsingum um reikningsnúmer og netfang allra

Það er því mikilvægt að allir þeir sem að störfuðu hjá sveitarfélögum og greiddu til Bárunnar af launum sínum skrái þær upplýsingar inná félagsvef bárunnar.

Hægt er að komast á hann í vefinn í hnappnum hér að neðan.

Þegar þið eruð kominn inn ýtir þú á hnappinn í efra hægra horninu með, þaðan kemur valmynd þar sem þið veljið persónu og bankaupplýsingar og fyllið það út skilmerkilega.

 

Félagsvefur

Samningur sem nýverið var gerður á milli Virðingar og SVEIT hefur vakið upp margar spurningar um lagalegt gildi og áhrif hans á réttindi starfsfólks. Ef hann er skoðaður  bendir margt til þess að samningurinn kunni að ganga gegn ýmsum lögum og jafnvel stjórnarskrárbundnum reglum um jafnræði.

Í launatöflum samningsins má sjá að frá og með febrúar 2025 verða taxtarnir lægri en þeir sem eru í samningi SGS og SA. Að auki munu breytingar á vinnufyrirkomulagi, eins og stytting vaktaálags og aðrar breytingar á vinnutíma, draga úr kjörum starfsfólks samanborið við gildandi samning SGS og SA.

Greining á samningnum sýnir einnig að hann samræmist ekki helstu lögum sem fjalla um starfskjör, lífeyrisréttindi og starfshætti stéttarfélaga. Þar að auki eru í honum atriði sem virðast ekki uppfylla lagaskilyrði, þar á meðal réttindi tengd uppsögnum, launagreiðslum vegna veikinda eða slysa, og ákvæði um 40 stunda vinnuviku.

Auk þessa vekja ákvæði samningsins upp áleitnar spurningar um hvort brotið sé gegn lögum um jafna meðferð á vinnumarkaði og grundvallarreglum um jafnræði. Slík brot geta haft áhrif á réttindi starfsfólks og skapað ósanngjarna stöðu gagnvart öðrum hópum á vinnumarkaði.

Á meðan þessi mál eru til skoðunar mun Báran fylgjast vel með framvindunni og tryggja að réttindi starfsfólks séu virt.

• Samningurinn milli Virðingar og SVEIT gæti brotið í bága við lög og stjórnarskrárbundnar reglur um jafnræði.
• Laun samkvæmt samningnum verða lægri en í samningi SGS og SA frá og með febrúar 2025. • Breytingar á vinnutíma og vaktaálagi draga úr kjörum starfsfólks samanborið við gildandi samning SGS og SA.
• Samningurinn uppfyllir ekki skilyrði laga sem fjalla um starfskjör, lífeyrisréttindi og réttindi við uppsagnir, veikindi eða slys. • Atriði í samningnum virðast stangast á við lög um 40 stunda vinnuviku og jafna meðferð á vinnumarkaði.
• Ákvæði samningsins gætu skapað ósanngjarna stöðu gagnvart öðrum hópum á vinnumarkaði.

Þann tólfta desember síðastliðinn hélt Báran, stéttarfélag, árlegan jólafund sinn með stjórn, starfsfólki og trúnaðarmönnum félagsins. Fundurinn var haldinn á glæsilegum vettvangi þar sem dagskráin var fjölbreytt og áhugaverð, með erindum um ýmis málefni sem snerta starfsemi félagsins og framtíð verkalýðshreyfingarinnar.

Dagskráin hófst með erindi Halldórs Oddssonar frá ASÍ sem fjallaði um „Gul stéttarfélög“ og mikilvægi þess að tryggja öfluga og réttláta verkalýðshreyfingu á tímum aukinnar ásóknar þessara samtaka.

Því næst tók Þórir Gunnarsson til máls kl. 13:45 með yfirgripsmikilli umfjöllun um efnahagsmál, stöðu kjarasamninga og næstu skref í þeirri vinnu. Þórir veitti fundargestum skýra innsýn í stöðuna og skapaði grundvöll fyrir umræður í kjölfarið.

Eftir stutta pásu hófst erindi Aleksöndru Leonardsdóttur frá ASÍ þar sem hún fjallaði um inngildingu í störfum trúnaðarmanna. Aleksandra lagði áherslu á mikilvægi fjölbreytileika og að tryggja að allir félagsmenn upplifi sig sem hluta af heildinni.

Gunnar Karl Ólafsson, starfsmaður Bárunnar tók þá til máls með erindi sitt um ASÍ-UNG og þá miklu vinnu sem unnið er meðal ungs fólks í verkalýðshreyfingunni. Hann vakti athygli á nýjum verkefnum og hvatti trúnaðarmenn til að styðja við ungt fólk í sínu starfi og þá ungu til að taka þátt.

Sigurlaug Gröndal, fræðslustýra Félagsmálaskóla alþýðunnar tók svo við og fjallaði um málefni trúnaðarmanna. Hún lagði áherslu á hlutverk þeirra í að tryggja réttindi félagsmanna og hvernig fræðslan hefur verið að breytast.

Síðasta formlega erindið var flutt af Halldóru Sveinsdóttur, formaður Bárunnar, sem var með almenna kynningu á félaginu, framtíðarsýn félagsins og þau verkefni sem liggja fyrir á næsta ári.

Fundinum lauk með opnum umræðum og skemmtidagskrá, þar sem þátttakendur fengu tækifæri til að koma með spurningar og hugmyndir áður en fundurinn endaði á ljúffengum kvöldverði.

Við þökkum öllum þeim sem að mættu á þessa notalegu samveru.

Fréttir Gunnar Karl

Ályktun formannafundar SGS - Virðing og SVEIT

Formannafundur Starfsgreinasambands Íslands varar starfsfólk í veitingageiranum við
meintu „stéttarfélagi“ sem stofnað var nýverið og ber heitið Virðing. Virðing ber öll
merki þess að vera gervi „stéttarfélag“, stofnað af hálfu atvinnurekenda í
veitingageiranum, stendur utan heildarsamtaka launafólks og hefur gert
gervikjarasamning sem er ekki í nokkru samræmi við þá lögmætu samninga sem eru í
gildi í veitingageiranum.

Þau kjör sem Virðing býður félagsfólki sínu eru ekki í samræmi við þá samninga sem
eru í gildi í veitingageiranum. Þvert á móti felur kjarasamningur Virðingar við SVEIT
(Samtök fyrirtækja á veitingamarkaði) í sér verulegar skerðingar á launum og
réttindum starfsfólks og má sem dæmi nefna:

  • Dagvinna er greidd á virkum dögum til kl. 20:00 (til kl. 17:00 hjá SGS)
  • Vaktaálag á virkum kvöldum eftir kl. 20 er 31% (33% álag eftir kl. 17:00 hjá SGS)
  • Dagvinna á laugardögum til kl. 16:00 (45% álag allan daginn hjá SGS)
  • 31% álag á sunnudögum (45% álag hjá SGS)
  • Ekkert stórhátíðarkaup
  • Kjör ungmenna á aldrinum 18-21 árs eru skert
  • Heimilt að gera breytingar á starfshlutfalli með viku fyrirvara (uppsagnarfrestur gildir hjá SGS)
  • Réttur barnshafandi kvenna er skertur.
  • Lakari veikindaréttur starfsfólks og vegna barna
  • Lakari orlofsréttur
  • Lakari uppsagnarfrestur
  • Ekkert um sérstaka sjóði og greiðslur í þá
  • Ýmis félagsleg réttindi eru skert sem og réttindi og möguleikar trúnaðarmanna
    á að gegna starfi sínu.

Því skal haldið til haga að um umrædd störf er í gildi kjarasamningur milli
Starfsgreinasambands Íslands og Samtaka atvinnulífsins sem kveður á um
lágmarkskjör fyrir alla í viðkomandi starfsgrein. Samkvæmt lögum er óheimilt að semja
um lakari kjör en kveðið er á um í þeim samningi. Samningur Virðingar og SVEIT grefur
á alvarlegan og ólögmætan hátt undan réttindum launafólks og þeim kjarasamningi
sem það starfar eftir.

Formannafundur Starfsgreinasambands Íslands fordæmir þessa ófyrirleitnu aðför sem
gengur út á að brjóta upp samstöðu meðal starfsfólks í greininni og fer á svig við þau
lög og reglur sem gilda á íslenskum vinnumarkaði.

Starfsgreinasamband Íslands hvetur félagsfólk til að standa þétt saman um sín
kjarasamnings- og lögbundnu réttindi og hafa samband við sitt stéttarfélag til að afla
sér frekari upplýsinga um sín réttindi og stöðu. Aðildarfélög sambandsins munu nú
sem endranær standa þétt að baki sinna félagsmanna og verja þeirra réttindi – réttindi
sem hafa byggst upp í gegnum árin með þrotlausri baráttu og samstöðu

SGS krefst þess að SVEIT láti af þessari alvarlegu aðför að kjörum og réttindum
verkafólks á veitingamarkaði og virði þau lámarksréttindi sem um hefur verið samið á
íslenskum vinnumarkaði.

Fréttir Gunnar Karl

Vegna samnings Virðingar við SVEIT

Helstu atriði:

 

  1. Lagaleg álitamál:
  • Samningurinn milli Virðingar og SVEIT gæti brotið í bága við lög og stjórnarskrárbundnar reglur um jafnræði.
  1. Lakari kjör:
  • Laun samkvæmt samningnum verða lægri en í samningi SGS og SA frá og með febrúar 2025.
  • Breytingar á vinnutíma og vaktaálagi draga úr kjörum starfsfólks samanborið við gildandi samning SGS og SA.
  1. Ósamræmi við lög:
  • Samningurinn uppfyllir ekki skilyrði laga sem fjalla um starfskjör, lífeyrisréttindi og réttindi við uppsagnir, veikindi eða slys.
  • Atriði í samningnum virðast stangast á við lög um 40 stunda vinnuviku og jafna meðferð á vinnumarkaði.
  1. Áhrif á réttindi starfsfólks:
  • Ákvæði samningsins gætu skapað ósanngjarna stöðu gagnvart öðrum hópum á vinnumarkaði.

Samningur sem nýverið var gerður á milli Virðingar og SVEIT hefur vakið upp margar spurningar um lagalegt gildi og áhrif hans á réttindi starfsfólks. Ef hann er skoðaður  bendir margt til þess að samningurinn kunni að ganga gegn ýmsum lögum og jafnvel stjórnarskrárbundnum reglum um jafnræði.

Í launatöflum samningsins má sjá að frá og með febrúar 2025 verða taxtarnir lægri en þeir sem eru í samningi SGS og SA. Að auki munu breytingar á vinnufyrirkomulagi, eins og stytting vaktaálags og aðrar breytingar á vinnutíma, draga úr kjörum starfsfólks samanborið við gildandi samning SGS og SA.

Greining á samningnum sýnir einnig að hann samræmist ekki helstu lögum sem fjalla um starfskjör, lífeyrisréttindi og starfshætti stéttarfélaga. Þar að auki eru í honum atriði sem virðast ekki uppfylla lagaskilyrði, þar á meðal réttindi tengd uppsögnum, launagreiðslum vegna veikinda eða slysa, og ákvæði um 40 stunda vinnuviku.

Auk þessa vekja ákvæði samningsins upp áleitnar spurningar um hvort brotið sé gegn lögum um jafna meðferð á vinnumarkaði og grundvallarreglum um jafnræði. Slík brot geta haft áhrif á réttindi starfsfólks og skapað ósanngjarna stöðu gagnvart öðrum hópum á vinnumarkaði.

Á meðan þessi mál eru til skoðunar mun Báran fylgjast vel með framvindunni og tryggja að réttindi starfsfólks séu virt.

Fréttir Gunnar Karl

Opnunartímar og breyttar úthlutunardagsetningar um jólin

Kæru félagsmenn,

Jólin eru handan við hornið, og því eru nokkrar breytingar á opnunartíma skrifstofu og umsóknarfresti styrkja í desember.
Hér eru allar upplýsingar sem þú þarft að vita:

 

Opnunartími í desember

  • 23. desember: Opið
  • 24.-27. desember: Lokað
  • 30. desember: Opið
  • 31. desember & 1. janúar: Lokað
  • 2. janúar: Opið

 

Breyttir umsóknarfrestir og úthlutunardagsetningar

 

Heilsu- og forvarnastyrkir:

  • Næsta úthlutun: 20. desember (umsóknarfrestur til 18. desember)
  • Þar á eftir: 10. janúar (umsóknarfrestur til 8. janúar)
  • Að því loknu: Greitt aðra hverja viku eins og venjulega.

Sjúkradagpeningar:

  • Næsta úthlutun: Breytt dagsetning: Mánudagurinn 23. desember (umsóknarfrestur til 16. desember). 
  • Að því loknu: Greitt fyrsta hvers mánaðar eða síðasta virka dag fyrir það (umsóknarfrestur til 25. hvers mánaðar).

Menntastyrkir:

  • Næsta úthlutun: Föstudaginn 13. desember (umsóknarfrestur til 11. desember)
  • Að því loknu: Greitt 15. hvers mánaðar eða síðasta virka dag fyrir það.

 

Hafið samband við skrifstofu Bárunnar ef spurningar vakna, við erum alltaf til staðar til að aðstoða.
Sími: 480-5000 - Netfang: baran@baran.is

Hátíðarkveðjur
Báran – Við vinnum fyrir þig

Fréttir Gunnar Karl

Fréttabréf Bárunnar, Nóvember

Samkvæmt kjarasamningum ber atvinnurekendum að greiða starfsfólki sínu desemberuppbót/persónuuppbót í byrjun desember ár hvert. Uppbótin er háð ákveðnum skilyrðum sem varða t.a.m. starfstíma og starfshlutfall á yfirstandandi ári. Desemberuppbót/persónuuppbót skal greiða í einu lagi og ofan á hana reiknast ekki orlof. Uppbótin er föst krónutala og tekur ekki hækkunum skv. öðrum ákvæðum kjarasamninga.

Eins og alltaf er mikilvægt að skoða launaseðilinn.

Desemberuppbótin er mismunandi eftir samningum

 

Almenni samningur milli SGS og SA

106.000 kr.

Samningur f.h. Ríkissjóðs og SGS

106.000 kr.

Samingur SGS og Launanefndar sveitarfélaga

135.500 kr

Samningur SA vegna Sólheima við Báruna, stéttarfélag

106.000 kr.

Kjarasamningur milli Bárunnar, stéttarf og Skaftholts

135.500 kr.

Vinnustaðasamningur Mjólkurbús Flóamanna

106.000 kr.

Bændsamtök Íslands og SGS

106.00 kr.

Landsamband smábátaeigenda og SGS

106.000 kr.

Landsvirkjun og SGS

154.000 kr.

Kjarasamningur SGS og NPS miðstöðvarinnar

106.000 kr.

Félagið keypti fyrr á árinu stórglæsilega Sumarbústaði í landi Þórisstaða 2, hægt að leigja Þá frá og með föstudeginum 22.Nóvember næstkomandi.
Þeir verða í sveigjanlegri leigu fram að páskum, fyrstur kemur fyrstur fær.

Þar með eru orlofseignir félagtsins orðnar níu talsins.

 

Stök Nótt: 8.000.-
Helgarleiga: 20.000.-
Vikuleiga: 28.000.-
Bæta við sólahring: 5.500.-

Bústaðarnir er um 144 fm, 3 svefnherbergi eru í húsinu, eldhús, stofa og baðherbergi með sturtu og gestasalerni.

Við óskum Félagsmönnum til hamingju með nýju eigninar

Einnig er enn nokkrar lausar vikur í kringum jól og áramót og hvetjum við félagsmenn til að nýta sér það.

Hægt er að leigja með því að skrá sig inn á félagsvef Bárunnar

 

Orlofsvefur

 

Fréttir Gunnar Karl

Þórisstaðir – Tveir nýjir orlofshúsakostir – Opið til útleigu

Félagið keypti fyrr á árinu stórglæsilega Sumarbústaði í landi Þórisstaða 2, hægt að leigja Þá frá og með föstudeginum 22.Nóvember næstkomandi.
Frá og með deginum í dag er hægt að leigja þá út, Þeir verða í sveigjanlegri leigu fram að páskum, fyrstur kemur fyrstur fær.

 

Stök Nótt: 8.000.-
Helgarleiga: 20.000.-
Vikuleiga: 28.000.-
Bæta við sólahring: 5.500.-

Bústaðarnir er um 144 fm, 3 svefnherbergi eru í húsinu, eldhús, stofa og baðherbergi með sturtu og gestasalerni.

Við óskum Félagsmönnum til hamingju með nýju eigninar

 

Orlofsvefur

 

Myndir eru hér fyrir neðan

MENU